भक्तपुरका ३६ सहित देशभर १०८१ संक्रमित र ९६७ जना कोरोना मुक्त
काठमाण्डौ, भाद्र २४ गते
भक्तपुर जिल्लाका थप ३६ जना सहित आज देशभर १ हजार ८१ जनामा कोरोनो पोजेटिभ पुष्टि भएको स्वास्थ्य तथा जनसंख्या मन्त्रालयले जनाएको छ । गत २४ घण्टामा ११ हजार १६७ जनाको पीसीआर परीक्षण गर्दा थप १ हजार ८१ जना संक्रमित भएका हुन भने ९१८ जना संक्रमितहरु कोरोना मुक्त भएर घर फर्केको मन्त्रालयका प्रवक्ता डा. जागेश्वर गौतमले बताए ।
अहिलेसम्म ४९ हजार २१९ जनामा कोरोना भाइरस संक्रमण फैलिसकेको भए पनि ३३ हजार ८८२ जना कोरोना संक्रमण मुक्त भइ सकेको पनि मन्त्रालयले जनाएको छ । अहिले सक्रिय संक्रमितरु १५ हजार २५ जना मात्र रहेका छन् । हाल आइसोलेसनमा १५ हजार २५ र क्वारेन्टिनमा ५ हजार ४८० जना रहेका छन् । बुधबार साँझसम्ममा देशभर थप ६ जनाको मृत्यु पुष्टि गर्दै स्वास्थ्य मन्त्रालयले कोरोना संक्रमित भइ मृत्यु हुनेको संख्या ३१२ पुगेको बताए ।
उपत्यकामा भने आज ४६४ जना संक्रमित थपिएको डा. गौतमले जाए । काठमाण्डौमा ३९४, ललितपुरमा ३४ र भक्तपुरमा ३६ जना संक्रमित थपिएका हुन । काठमाण्डौका १०४ महिला र २९० पुरुष गरी ३९४ र ललितपुरका २१ महिला र १३ पुरुष सहित ३४ जना संक्रमित भएका छन् । भक्तपुरका १६ जना महिला र २० जना पुरुष सहित ३६ जनामा कोरोना पोजेटिभ देखिएको हो ।
