भक्तपुरका थप ४२ संक्रमित १ महिलाको मृत्यु
भक्तपुर, भाद्र १८ गते
भक्तपुरका ४२ जना सहित बिहिबार देशभर १ हजार २२८ संक्रमित थपिएको स्वास्थ्य तथा जनसञ्चा मन्त्रालयले जनाएको छ । गत २४ घण्टाको अवधिमा ९१७ जना कोरोनाबाट निको भएको बताउँदै मन्त्रालयका प्रवक्ता डा.जागेश्वर गौतमले काठमाण्डौ उपत्यकाका थप ४४५ संक्रमित भएको बताएको छ। उपत्यकामा संक्रमितहरु मध्ये काठमाण्डौका ३५७ ललितपुरका ४६ र भक्तपुरका ४२ जना गरी ४४५ संक्रमित भएको बताएको हो । १३ हजार ४१३ जनाको पीसीआर परीक्षणको क्रममा ३९३ महिला र ८३४ पुरुष गरी १,२२८ जना नयाँ संक्रिमत पुष्टि भएको मन्त्रालयले जनाएको हो । योसँगै कुल संक्रमितको संख्या ४२ हजार ८७७ जना पुगको छ भने निको हुनेको कुल संख्या २४ हजार २०७ जना रहेको छ । घरमै आइसोलेशनमा बस्ने ब्यवस्था नभएका संक्रमितहरुलाई सरकारी आइसोलेशनमा राखेर उपचार गर्ने व्यवस्था मिलाउने बताउँदै प्रवक्ता डा.गौतमले अहिले सक्रिय संक्रमित १८ हजार ४१३ जना रहेको बताए । बिहिबार कोरोना संक्रमिट ४ महिला र २ पुरुष सहित ६ जनाको ज्यान गएको पुष्टि गर्दै कोरोना संक्रमणले मृत्यु भएकाहरुको संख्या २५७ पुगेको बताउनु भयो । बिहिवार मृत्यु हुनेमा भक्तपुरस्थित म.थि.न.पा. ६ की ४० वर्षीय एक महिला समेत रहेको छ ।
संक्रमितहरु मध्ये १० हजार ६७१ र होम आइसोलेसमा ७ हजार ७४२ रहेका छन् भने विदेशबाट आएका ६ हजार ६४९ जना क्वारेन्टिनमा रहेका छन् ।
