एकैदिन देशभर १,२२१ संक्रमित, उपत्यकाका मात्र ४२९ संक्रमित
काठमाण्डौ, भाद्र १४ गते
पछिल्लो २४ घण्टामा १२ हजार ७१७ जनाको पीसीआर परीक्षणमा गर्दा १ हजार २२१ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । मन्त्रालयका प्रवक्ता डाक्टर जागेश्वर गौतमका अनुसार आईतबार एक्कै दिन २४८ महिला र ८७३ पुरुष सहित १२२१ जना थप संक्रमित भएको हो । देशभर ३८ हजार ५६१ जना कोरोना संक्रमित भए पनि १७ हजार ५१८ जना मात्र सक्रिय संक्रमित रहेको नियमति पत्रकार सम्मेलन मार्फत उहाँले बताउनु भयो । अहिले होम आइसोलेसनमा ६ हजार ९०० जना र संस्थागत आइसोलेशनमा १० हजार ६१२ जना रहेको छ । संक्रमित मध्य २० जार ८२२ जना संक्रमितहरु निको भएका छन् भने आइतबार एक्कै दिन २६७ जना निको भएको थिए । विदेशबाट आएका ७ हजार ७९७ जना भने विभिन्न क्वारेन्टिनहरुमा रहेका छन् । योसँगै कूल निको हुनेको दर ५४ प्रतिशत रहेको मन्त्रालयले जनाएको छ ।
काठमाण्डौ उपत्यकामा मात्रै आईतबार ४२९ जना थप संक्रमित भएका छन् । काठमाण्डौका ३७२, भक्तपुरका ४५ र ललितपुरका १२ जना संक्रमित भएका हुन ।
