देशभर ८८४ संक्रमित हुँदा भक्तपुरका १२ जना संक्रमित
काठमाण्डौ, भाद्र १२ गते
देशभर ८८४ जनामा कोरोना संक्रमण पुष्टि हुँदा सनिबार भक्तपुरका १२ जना थप संक्रमित भएको पाइएको छ । काठमाण्डौ उपत्यकामा भने १८६ थप संक्रमित भए । काठमाण्डौ जिल्लाका १५५, ललितपुरका १९ र भक्तपुरका १२ जना थप संक्रमित भएका हुन । देशभर १० हजार ९७१ जनाको कोरोना परीक्षण गर्दा ८८४ जनामा पोजेटिभ देखिएका हुन । संक्रमितहरु २४२ महिला तथा ६४२ पुरुष रहेका हुन भने पछिल्लो २४ घण्टा भित्र ३१३ जना संक्रमित कोरोना जितेर घर फर्केका छन् । अहिलेसम्म संक्रमित हुनेहरु ३७ हजार ३४० मध्ये २० हजार ५५५ जना कोरोना जितेर घर फर्कि सकेका छन् । कोरोना जित्नेको दर ५५ प्रतिशत रहेको स्वास्थ्य तथा जनसंख्या मन्त्तालयले जनाएको छ । अहिले सक्रिय संक्रमित १६ हजार ६७७ जना रहेका छन् ।
उपचारको क्रममा पाटन अस्पतालमा उपत्यकाका थप २ जना संक्रमितको मृत्यु भएको पुष्टि गरेको छ । शनिबार थप १२ जना कोरोना संक्रमितको मृत्यु भएपछि देशभर मृत्यु हुनेको संख्या २ सय ७ पुगेको छ । शनिवबार ३ महिला ९ पुरुष सहित १२ जनाको मृत्यु भएको मन्त्रालयका प्रवक्ता डा. जागेश्वर गौतमले जनाएका हुन । संक्रमितहरु मध्ये होम आइसोलेशनमा ६ हजार ४४५ र संस्थागत आइसोलेशनमा १० हजार १४५ जना रहेका छन् । विदेशबाट नेपाल फर्केर क्वारेन्टिनमा बस्नेको संख्या पनि ८ हजार ३५ जना रहेका छन् ।
