भक्तपुर, असार ४ गते
भक्तपुरमा एक प्रहरी सहित ३ जनामा कोरना संक्रमण पुष्टि भएको छ । बुधबार आएको पिसिआर रिपोर्ट अनुसार महानगरीय प्रहरी परिसर भक्तपुरमा कार्यरत ३२ वर्षिय प्रहरी जवानमा कोरना संक्रमण पुष्टि भएको हो । यसै गरी भक्तपुर नगरपालिका वडा नम्वर ६ का २२ वर्षिय एक पुरुषमा पनि कोरना संक्रमण पुष्टि गरेको छ भने हालै कुबेटबाट नेपाल आएर भक्तपुरको सरकारी क्वारेन्टानइमा बसेका नवलपरासी गैंडाकोटकी एक युवतीमा पनि कोरना संक्रमण पुष्टि भएको छ । संक्रमित तीन जनालाई थप उपचारको लागि अस्पताल लगिएको छ भने संक्रमति प्रहरीको सम्पर्कमा रहेका १२ जना प्रहरीलाई क्वारेन्टिनमा राख्दैे प्रहरीको सञ्चार कक्षलाई सिल गरिएको छ । यता भक्तपुर नगरपालिका ६ का संक्रमित युवकको घर आसपासका क्षेत्रलाई सिल गरी संक्रमित व्यक्तिको सम्पर्कमा रहेका र परिवारजनको कोरना परिक्षण थालिएको स्थानीय वडाध्यक्ष डाक्टर हरिराम सुवालले जनाएको छ ।
