६४ औं सहकारी दिवसको अवसरमा १० सहकारी पुस्कृत
६४ औं राष्ट्यि सहकारी दिवसको अवसरमा जिल्ला सहकारी संघ लिमिटेडले आज १० उत्कृष्ठ सहकारीहरुलाई पुरस्कृत गरेको छ । वरिष्ठ सहकारीविद कैलाशभक्त प्रधानांगले ती १० उत्कृष्ठ सहकारी र सहकारीकर्मीहरुलाई सम्मानित गर्दै नेपालमा सहकारी अभियानको इतिहास खोत्नुपर्नेमा जोड दिनु भयो । २०१३ सालमा स्थापना भएको बखानपुर सहकारीको इतिहास नै नेपालको सहकारी इतिहासको सुरु नभएको भन्दै उहाँले वि.सं. २०००मा जुद्ध सम्शेरले स्थापना गरेको सहकारी र मधुभाषा सहकारीको सही इतिहासलाई पनि केलाउनु सान्दिर्भिक हुने विचार व्यक्त गर्नु भयो । सहकारीको नाममा सहकारी संस्था भाग्ने माहोल बढेको उल्लेख गर्दै यसले सहकारीमा जनविश्वास गुम्न सक्ने भएकाले त्यस्ता सहकारीहरुलाई नियमन गर्नुपर्ने बताउनु भयो । नेपाल बचत संघका पूर्व अध्यक्ष समेत रहनु भएका प्रधानांगले प्रविधिमैत्री सहकारी नभई सहकारी मैत्री प्रविधि बनाउनुपर्नेमा जोड दिनु भयो ।
संघका अध्यक्ष केदार थापाको सभापतित्वमा आयोजित उक्त कार्यक्रम भक्तपुर बचत तथा ऋण सहकारी संघ लिं, भक्तपुर कृषि सहकारी संघ, भक्तपुर दुग्ध विकास सहकारी लगायत विभिन्न सहकारी संघ संस्थाहरुको संयोजनमा सो कार्यक्रम आयोजना भएको हो ।
