भक्तपुर नगरव्यापी विद्यालयस्तरिय खेलकुद प्रतियोगिता जारी आज उसु खेल सम्पन्न, उत्कृष्ठहरु आजै पुरस्कृत
हिजोबाट सुरु भएको भक्तपुर भक्तपुर नगरव्यापी विद्यालयस्तरीय खेलकूद प्रतियोगिता आज पनि जारी छ । नगरका विभिन्न क्षेत्रमा जारी सो प्रतियोगिता अन्तर्गत ८४ वटा विद्यालयका ३ हजार २ सय भन्दा बढी विद्यार्थीहरु सहभागि छन् । यसै प्रतियोगिता अन्तर्गत हिजो र आज भएको प्रतियोगितामा नासमनामा भएको उसु खेलको सम्पूर्ण खेलहरु सम्पन्न गरी उत्कृष्ठहरुलाई आजै पुरस्कृत गरेको छ । सो प्रतियोगितामा १०विद्यालयकाका १०० जना छात्र छात्राहरुले सहभागिता जनाएको थियो ।


यसै बीच कमलविनायक खेल मैदानका खोखो प्रतियोगिता आयोजना गरिएको छ। आजबाट सो प्रतियोगिता सुरु गरिएको हो भने दत्तात्रय मन्दिर परिसरमा टेकान्डो प्रतियोगिता आयोजना गरिएको छ भने महेश्वरी खेलमैदानमा फुटवल, यसै बीच लिवाली कर्वड हलमा जिम्यास्टिक प्रतियोगिता आयोजना गरिएको छ । बेखालस्थित टेवुलटेनिस हलमा भोलीबाट टेवुलटेनिस खेलको प्रतियोगिता सुरु हुने प्रशिक्षक मुना बासुकलाले जनाएको छ ।














