ज्यान मार्ने उद्योग मुद्दाका एक प्रतिवादीलाई भक्तपुर प्रहरीले नियन्त्रणमा।
भक्तपुर, बैशाख १९ गते
ज्यान मार्ने उद्योग मुद्दाका एक प्रतिवादीलाई भक्तपुर प्रहरीले नियन्त्रणमा लिएको छ । काठमाण्डौ महानगरपालिका वडा नं. ३२ कोटेश्वरमा डेरा गरी बस्ने सुजित थापालाई प्रहरी वृत्त ठिमी भक्तपुरबाट खटिएको प्रहरीको टोलीले आज नियन्त्रणमा लिएको हो । पक्राउ परेका थापामाथि थप अनुसन्धान कार्य भइरहेको जिल्ला प्रहरी कार्यालय भक्तपुरका निमित्त सूचना अधिकारी एवं प्रहरी निक्षिक स्वरुप शर्माले जनाएको छ ।
