अन्तर्राष्ट्रिय मजदुर दिवसको अवसरमा भक्तपुरमा जुलुस र सभा आयोजना

अन्तर्राष्ट्रिय मजदुर दिवसको अवसरमा भक्तपुरमा जुलुस र सभा आयोजना
भक्तपुर, बैशाख १८ गते
१३७ औं अन्तर्राष्ट्रिय मजदुर दिवसको अवसरमा भक्तपुरमा जुलुस र सभा आयोजना गरेको छ । नेपाल क्रान्तिकारी मजदुर संघको आयोजनामा भएको सो मजदुर दिवसको विशेष कार्यक्रमको उद्घाटन गर्दै नेपाल मजदुर किसान पार्टीका केन्द्रीय सदस्य सुनिल प्रजापतिले आर्थिक समानताकालागि पूजीपति वर्गको सत्तालाई बल प्रयोग गरी नफालेसम्म काम गरी खाने जनताको सत्ता नआउने कुरा कालमाक्र्सले उहील्यै प्रष्ट पारिसकेको चर्चा गर्दै उहाँले समाजवादी व्यवस्थाकालागि १८७१को पेरिस कम्यून घोषणा पत्र जारी गरी रुसमा लेनिनले समाजवादी व्यवस्था स्थापना गरेपनि युवालाई राजनैतिक चेतना दिन नसक्दा १९९१मा शोभियत सत्ता पटन भएको कुरालाई मनन गर्दै नयाँ पुस्तालाई राजनैतिक चेतना दिन आवश्यक भएकोमा उहाँले जोड दिनु भयो । भक्तपुर नगरपालिकाका प्रमुख समेत रहनु भएका प्रजापतिले राजनीति भनेको जनताको सेवाको लागि भएको भन्दै सुशासनको नाराले मात्रै देश नबन्ने धारणा राख्नु भयो ।
कार्यक्रममा नेमकिपाका अर्का केन्द्रीय सदस्य सुरेन्द्रराज गोसाईले विश्व मजदुर दिवसको अवसरमा हामीले जनताको वचत फिर्तागर, सहकारी ठगलाई कार्वाही गर, किसानकालागि रासायनिक मल कारखाना देशमै खोल्नुपर्छ, बजार भाउ अति नै महंगी भयो, बजार भाउ नियन्त्रण गर भनि फेरी पनि हामीले नारा लगायौं यो जनताको आवाज हो, समयको आवाज हो भन्दै उहाँले जनताको आवाजलाई यो सरकारले सुनेन भने अरु सरकार जस्तै यो सरकार पनि पटन हुने धाराणा राख्नु भयो । नेक्रामसंघका विष्णुप्रसाद दुमरुको सभापतित्वमा आयोजित सो कार्यक्रममा नेक्रामसंघका उपेन्द्र सुवालसहितका बक्ताहरुले विश्व मजदुर दिवसको महत्व बारे प्रकाश पारेका थिए ।
सो अवसरका बक्ताहरुले १३७ औं अन्तर्राष्ट्रिय मजदुर दिवसको अवधारणा अनुसार काम गरी खाने जनताको सुविधाकालागि युवाहरुलाई विदेश नभई स्वदेशमै रोजगारी सृजना गर्नुपर्ने, विदेशबाट आयात नभई स्वदेशमै खाद्यान्न लगायत आवश्यक चिज उत्पादन गर्नुपर्ने, साथै पहिले चलेका सरकारी उद्योग कलकारखानाहरु खोलेर जनतालाई रोजगार दिनुपर्ने धाराणा राखेका थिए । सो सभा आयोजना हुनु पुर्व भक्तपुर नगरको दुधापाटीबाट जुलुस आयोजना गर्री भक्तपुर नगरको सुर्यमढीमा पुगेर सभामा परिनत भएको थियो । सो जुलुसमा विश्वका मजदुर एक हौं, एमसीसी परियोजना खारेज गर, भ्रष्टाचारीको सम्पति राष्ट्रियकरण गर, सहकारी पीडित जनताका पैसा फिर्ता गर, बजार भाउ नियन्त्रण गर सहितका नारा लगाएका थिए ।

साधारणसभा सम्बन्धी संयुक्त भेला सम्पन्न

साधारणसभा सम्बन्धी संयुक्त भेला सम्पन्न भक्तपुर, १० असोज । गुरु गणेश बचत तथा ऋण सहकारी संस्था लि.को साधारणसभा सम्बन्धी संयुक्त भेला अध्यक्ष कृष्ण राम कासिछ्वाको सभापतित्वमा संस्थाको सभाकक्षमा चोफलमा शनिबार सम्पन्न भएको छ। कार्यक्रमका सभापति एवं संस्थाका अध्यक्ष कृष्णराम कासिछ्वाले संस्थाको साधारणसभा २०८३ असोज १७ गते शनिबार ब्रम्हायणी पार्टी प्यालेसमा आयोजना हुने जानकारी गराउनुभयो। उहाँले संस्थाको प्रगति र समृद्धिका लागि सबैको निःस्वार्थ सहयोग, सक्रिय सहभागिता र सकारात्मक भूमिकाको अपेक्षा व्यक्त गर्नुभयो। सल्लाहकार कृष्णभक्त लवजूले संस्थाको स्थापनाकालमा उद्घाटन गरिएको समयको स्मरण गर्दै सहकारीको महत्त्व र आवश्यकताबारे चर्चा गर्नुभयो। उहाँले पदभन्दा कामलाई विशेष प्राथमिकता दिनुपर्ने, संस्थाको हितमा प्रभावकारी रूपमा काम गर्न सक्ने व्यक्तिलाई जिम्मेवारी र अधिकार हस्तान्तरण गर्नुपर्ने धारणा राख्नुभयो। साथै अनावश्यक खर्चलाई न्यूनीकरण गरी सदस्य तथा समाजको हितमा बढीभन्दा बढी स्रोत परिचालन गर्नुपर्नेमा जोड दिनुभयो। अर्का सल्लाहकार रामकृष्ण प्रजापतिले साधारणसभा संस्थाको नीति, योजना, पारदर्शिता र सदस्यहरूको सहभागिताका दृष्टिले महत्त्वपूर्ण रहेको बताउँदै यसको आवश्यकता र भूमिकामाथि प्रकाश पार्नुभएको थियो। सल्लाहकार काशिलाल प्रजापतिले साधारणसभासम्बन्धी विषयमा प्रकाश पार्दै साधारणसभाको प्रक्रिया तथा सदस्यहरूको सहभागिताको महत्त्वबारे जानकारी गराउनुभएको थियो। कार्यक्रमको उद्घोषण सत्यराम ज्ञामरूले गर्नुभएको थियो। कार्यक्रममा रामकृष्ण लावजूले स्वागत मन्तव्य व्यक्त गर्नुभएको थियो। त्यसैगरी कोषाध्यक्ष तुल्सी केशरी प्रजापतिले संस्थाको आर्थिक प्रतिवेदन प्रस्तुत गर्दै संस्थाको आर्थिक अवस्था तथा गतिविधिबारे जानकारी गराउनुभएको थियो। भेलामा संस्थाको आगामी साधारणसभा, आर्थिक अवस्था, संस्थागत विकास तथा सदस्य हितका विषयमा विभिन्न वक्ताहरूले आ–आफ्ना धारणा व्यक्त गर्नुभएको थियो। अन्त्यमा संस्थाको आगामी साधारणसभा सफलतापूर्वक सम्पन्न गर्ने प्रतिबद्धतासहित कार्यक्रम सम्पन्न भएको थियो।