तिन दिने योग विज्ञान शिविर सम्पन्न
भक्तपुर, चैत्र १० गते
तीन दिने योग विज्ञान शिविर आज सम्पन्न भएको छ । सरस्वती विद्या गृह कमलविनायक परिसरमा आयोजित सो शिविरमा सयौंजनाले योग साधाना गर्दै विशेष योग शिविर सम्पन्न गरेको हो । शिविरको समापन समारोहको उद्घाटन गर्दै भक्तपुर नगरपालिकाका प्रमुख सुनिल प्रजापतिले पुस्तौ देखि शारीरिक र मानिसक स्वास्थ्यकालागि गर्दै आएको योग साधना प्रभावकारी रहेकाले भक्तपुर नगरपालिकाले पनि टोल टोलमा छिक्वङ्ग चिनिया सारीरिक व्यायाम सञ्चालन गर्दै आएको जनाएको छ । नगरवासीको सुस्वास्थ्यका लागि शारीरिक व्यायामको आवश्यकतालाई जोड दिदै नगर प्रमुख प्रजापतिले योग साधाना अभियानले जिल्ला वासीलाई स्वस्थ राख्न योगदान दिने बताउनु भयो । पतंजलि नगर योग समिति भक्तपुर तथा पतंजल िमहिला नगर योग समितिको संयुक्त आयोजनामा भएको शिविरमा बागमति प्रदेश प्रभारी प्रमुख प्रशिक्षक ग्रोवेन तौजलेले प्रशिक्षण दिएका हुन । मानिसको शारीरिक कष्ठ र रोग व्याधीबाट सुरक्षित तथा निको बनाउन अस्पताल पुग्नु भन्दा प्राकृतिक योगाभ्यास प्रभावकारी हुने भन्दै प्रशिक्षक तौजलले नियमति योगाभ्यास गर्न आग्रह गर्नु भयो । सरस्वती विद्या गृहका प्रधानाध्यापकद्वारा उद्घाटन गर्दै चैत्र ८ गते सुरु भएको सो शिविरको दोस्रो दिन हिजो संस्कृतिविद्ध प्रा।डा पुरुषोत्तम लोचन श्रेष्ठले दोस्रो दिनको उद्घाटन मन्तव्य राखेका थिए ।
