जेस् संस्कृति सम्पदा सिरपा राजेश गाईजूलाई प्रदान गरिने घोषणा
भक्तपुर, पुस ०९ गते
नेपाल मजदुर किसान पार्टीका अध्यक्ष नारायणमान विजुक्छको प्रमुख आतिथ्यतामा जेन्यूइन स्कूलको ३० औं वार्षिकोत्सव समारोहको उपलक्ष्यमा विभिन्न सामाजिक कार्यमा योगदान दिनु हुने व्यक्तित्वहरुलाई सम्मान, विभिन्न प्रतियोगिताका विजयी विद्यार्थीहरुलाई पुरस्कार वितरण तथा सहयोगीहरुलाई धन्यवाद ज्ञानप सहितको समापन समारोह आयोजना गर्ने भएको छ । स्कूलमा आज आयोजित पत्रकार सम्मेलनमा ३० औं वार्षिकोत्सव समारोहका संयोजक योगेन्द्रमान विजुक्छेले स्कूलको संचालक समितिको बैठकले राजेश गाईजूलाई जेस् शिरपा २०८२ बाट सम्मानित गर्ने निर्णय भएको बताएका छन् । ८० वर्ष उमेरका व्यक्तित्वलाई सम्मान गर्नु भन्दा नयाँ पुस्तालाई सम्मान गरेर थप तथा उत्कृष्ठ योगदान पुर्याउन प्रत्साहन दिने हिसावले आवेदन परेका मध्येबाट गाईजू पुरस्कृत भएको उहाँले बताउनु भयो ।
जेस संस्कृति सम्पदा सिरपाकालागि परेका आवेदनहरुमा पद्मा खयरगोली, मुक्ति सुन्दर जधारी, राजेश गाईजू, सृजना प्रजापति र संगिता पंचको आवेदन परेको थियो । सो मध्ये गाईजु कम उमेरका मात्र नभई विभिन्न सांस्कृतिक तथा सामाजिक अभियानमा समेत क्रियाशिल रहेकाले आवेदन परेकाहरुको शोधपत्र,खोजमूलक विषयहरु तथा प्रकाशित भएका आलेखहरु, छापिएका कृतीहरु संस्कृति संरक्षणकालागि गरेको कार्य सम्बन्धि कागजातहरुको समेत अध्ययन गरी गाईजूलाई पुरस्कृत गर्ने घोषणा भएको बताएका छन् । सो अवसरमा ईतिहासका एवं प्रा.डा. पुरुषोतमलोचन श्रेष्ठले भक्तपुर कला संस्कृतिको अठ्ठा सम्पदाले भरिपूर्ण क्षेत्र रहेको भन्दै यसको अध्ययन, अन्वयशन तथा संरक्षणमा नयाँ पुस्तालाई प्रेरित र जिम्मेवारीता बहन गराउन पनि यस्तो पुरस्कार महत्वपूर्ण हुने बताउनु भयो । सो कार्यक्रम आगामी शुक्रबार स्कूल प्रांगणमा आयोजना हुने उहाँले बताउनु भयो । भक्तपुर नगरका नयाँ पुस्तालाई हरेक वर्ष यो पुरस्कार वितरण गर्ने स्कूलले जनाएको छ ।
