भक्तपुर युवा टिमद्वारा सहिद स्मारक सी डिभिजन क्वालिफायर २०२५का लागि जर्सी सार्वजनिक
भक्तपुर, कार्तिक ४ गते
सहिद स्मारक सी डिभिजन क्वालिफायर २०२५मा पहिलो पटक सहभागि हुन भक्तपुर युवा टिमले आज जर्सी सार्वजनिक गरेको छ । भक्तपुरमा आयोजित एक समारोह बीच टिमका संस्थाकप अध्यक्ष विश्वराम कवां, भनपा ७का वडाध्यक्ष एवं सल्लाहकार उकेश कवां, संघका अध्यक्ष केशव त्वायनाबासु, केशव कवांं, सुरेश कवां सहितका अतिथिहरुले संयुक्त रुपमा जर्सी सार्वजनिक गर्दै भोलि देखि सुरु हुने प्रतियोगितामा सफलताको सुभकामना दिनु भएको छ । भक्तपुर कप पहिलो दोस्रो र तेस्रो आयोजना गरीसकेको भक्तपुर युवा टिमले भने पहिलो पटक राष्ट्रिय प्रतियोगितामा सहभागि हुन जर्सी सार्वजनिक गर्दै खेलाडीहरुलाई अतिथिहरुले जर्सी हस्तान्तरण गरेको छ । यो सहभागिता भक्तपुर युवा टिमकालागि नयाँ र राम्रो अनुभव हुने भन्दै अतिथिहरुले अनुशासित रुपमा खेल खेलेर उत्कृष्ठ प्रस्तुतीका लागि खेलाडीहरुलाई हौसला दिनु भयो ।
