भक्तपुर, चैत्र १८ गते
लक डाउनको समय बढ्दै गएमा खाद्यान्नको संकत निम्तिन सक्ने आँकलन गर्दै भक्तपुरमा खाद्यान्न भण्डारणको व्यवस्था गरेको छ । मध्यपुर थिमी राधे राधे स्थित १७ तल्ले घरमा जिल्ला प्रशासन कार्यालय भक्तपुरले खाद्यान्न भण्डारण गर्ने व्यवस्था गरेको हो । जनताको शान्ति सुरक्षाको लागि खत्ने प्रहरी,सेना र अति आवश्यक समुदायको लागि चाहिने खाद्यान्न सामग्रीहरुको जोह गर्न सो ठाउँमा खाद्यान्न स्टोर राख्ने तयारी गरेको हो । भक्तपुर जिल्लाका प्रमुख जिल्ला अधिकारी, प्रहरी उपरिक्षकसहित सुरक्षा निकायका अगुवाहरुको सक्रियतामा भक्तपुरका लागि चाहिने खाद्यान्न भण्डारको व्यवस्था गर्ने तयारी थालेको हो । खाद्यान्न भण्डारणका लागि नेपाल रेडक्रस सोसाईटीले सोमबार ५० थान त्रिपाल उपलब्ध गराएको थियो भने सुरक्षा निकायले सोमबारै सो क्षेत्रको सरसफाई गर्दै खाद्यान्न भण्डारणका लागि त्रिपाल समेत बिछ्याइ सकेका छन् ।
