भक्तपुर, चैत्र १८ गते
कोरना भाइरसको सन्त्रासमै भक्तपुरमा एक साता डकडाउनमा रहेका २० हजार भन्दा बढी समुदायले सोमबारसम्ममा भक्तपुर छोडेका छन् । भक्तपुरका ईटा भट्टामा काम गर्ने मजदुर देखि भक्तपुरका विभिन्न क्षेत्रमा क्रियाशिल समुदाय जिल्ला प्रसाशन कार्यालय भक्तपुरको सवारी पास लिएर आआफ्नो घर पर्किएको प्रमुख जिल्ला अधिकारी हुमकला पाण्डेले जनाएको छ । सरकारले लकडाउनको समय ८ दिन बढाएसँगै जिल्ला फर्कनेको संख्या बढेको प्रमुख जिल्ला अधिकारी पाण्डेले बताउनु भयो । सोमबारसम्म मात्र भक्तपुरबाट बाहिर जाने पासको व्यवस्था गरेको र मंगलबार देखि त्यस्तो पास नदिने भएकाले सुरक्षित साथ घरमै बस्न आग्रह गर्नु भयो । अतिआवश्यक काममा जानुपर्नेका लागि भने सहजिकरण गर्न सकिने प्रजिअ पाण्डेले बताएका छन् । भक्तपुरबाट बाहिर जान चाहने मानिसहरु अझै पनि भक्तपुरमा रहेकाले तिनीहरुलाई अहिले स्वस्थानमै बसि लक डाउनको पूर्ण पालना गर्न आग्रह गरेको छ ।
