समाजसेवी स्व.कुमार चवालको आज लक्च, गःहिटीमा भोली श्रद्धाञ्जली सभा हुने
भक्तपुर, पुस १५ गते
नेपाल मजदुर किसान पार्टीका एक सिद्धान्तनिष्ट कार्यकर्ता एवं समाजसेवी स्व.कुमार चवालको सम्झनामा श्रद्धाजली सभा गर्ने भएको छ । नेमकिपा ४ वडा समितिले भोलि साँझ ४ः३० बजे गःहिटी चोकमा श्रद्धाञ्जली सभा गर्ने भएका हुन । सो अवसरमा उहाँले राजनैतिक, सामाजिक, साास्कृतिक क्षेत्रमा खेलेको भूमिकाप्रति सम्मान व्यक्त गर्दै नेमकिपाका सचिव एवं सांसद प्रेम सुवाल सहितका अतिथिहरुले स्व. चवालप्रति श्रद्धाञ्जली व्यक्त गर्ने कार्यक्रम रहेको आयोजक समितिले जनाएको छ ।
सहपाठी न्हुछे भक्त भेलेका अनुसार स्व. कुमार चवाल २०३४ साल देखि निरन्तर रुपमा नेमकिपाको सिद्धान्त र निर्देशन अनुसार सक्रिय राजनीतिमा रहेको जनाएको छ । २०४२ सालको आन्दोलन र २०६० सालमा जेल जीवन बताएको स्मरण गर्दै उहााले प्रहरी हिरासतमा समेत उहाँले त्यसबेला तपाईको पेसा के हो ? भनि प्रहरीले सोधपुच्छ गर्दा मेरो पेसा राजनीती हो भनेर निडरताका साथ नेमकिपाको सिद्धान्त र आस्थामा प्रतिबद्ध रहेको व्यक्ति भएको उहाँले जनाएको छ ।
स्व. चवाल बितेको ४ औं दिनमा आज नेवारी परम्परा अनुसार लक्चको क्रममा नेमकिपा ४का अध्यक्ष समेत रहेका भेलेले स्व. चवालको सम्झना गर्दै सो कुरा अवगत गराएका हुन । स्व. चवालको योगदान बारे थप जानकारी सोमबार गःहिटीमा हुने श्रद्धाञ्जली सभाका अतिथिहरुले व्यक्त गर्ने उहाँले बताउनु भयो ।
स्व. कुमार चवाल पिता तुल्सी चवाल र माता हिरामाया चवालको कोखबाट २०२० साल कार्तिक १४ गते लाकुलाछे टोलमा जन्मेका थिए ।
२०३४ साल देखि नेमकिपाको वर्गीय संगठन नेपाल क्रान्तिकारी किसान संघ र नेपाल क्रान्तिकारी विद्यार्थी संघमा आबद्ध भएर सक्रिय भुमिकामा रहेको बताउनु भयो । स्व.चवाल बाल बालिका देखि जेष्ठ नागरिक सम्मका लागि लोकप्रिया व्यक्तित्व भएको उल्लेख गर्दै उहाँ प्रति एक मिनेट मौउन धारण गरी श्रद्धाञ्जली व्यक्त गरेका थिए ।
