नयाँ वर्ष २०२३को अवसरमा जिम जंकिज उद्घाटन
भक्तपुर, पुस १७ गते
भक्तपुर शारीरिक सुगठन तथा फिटनेश संघका अध्यक्ष बाबुकाजी मानन्धरले कमलविनायकमा जिम जंकिजको उद्घाटन गरेको छ । ईस्विसम्बत २०२३ सालको पहिलो दिन जनवरी १मा सो जिमको उद्घाटन गर्दै उहाँले भक्तपुर जिल्लामा ३४ वटा जिमहरु खुलि सकेको उल्लेख गर्दै उहाँले थप नयाँ जिमको रुपमा जंकिज उद्घाटन गर्ने अवसर दिएकोमा आयोजकहरुलाई धन्यवाद दिनु भयो । उहाँले संघमा आबद्ध भएर शारीरिक सुगठनलाई ब्यवस्थित गर्न आग्रह गर्नु भयो ।
युवा खेलाडी तथा प्रशिक्षक विनोद गौतम र किरण ब्यांजूको एक करोडको संयुक्त लगानीमा जिम खोलेका हुन । दैनिक सय जनालाई शारीरिक सुगठनका अभ्यास, फिटनेश तथा फिजियोथेरापी सेवा सहित प्रशिक्षणको समेत ब्यवस्था गरी जिम जंकिज सञ्चालनमा ल्याएका हुन । गौतम र ब्यांजूको पहिलो प्रयास सफल भएसंगै विभिन्न क्षेत्रमा यसको शाखा विस्तार गर्ने योजना रहेको गौतमले बताए ।
