पाईपलाइनमा ईटा छपाई सुरु
भक्तपुर, कार्तिक १५ गते
भक्तपुर नगरपालिका वडा नम्वर १० स्थित पाईपलाईनमा ईटा बिछ्याउने कार्य सुरु भएको छ । नगरपालिकाको रु १७ लाख लगत इष्टिमेटमा करिब ७ लाख पेक्सीबाट करिव ३ सय मिटरको ईट्टा छपाई कार्य आजबाट सुरु भएको हो । भक्तपुर नगरको महत्वपूर्ण खानेपानीको लाईन भएकाले ढलान र पीच गर्न नमिल्ने भएकाले दशकौ देखि हिलो मैला अवस्थामा रहेको थियो भने गत महिनामात्रै स्थानीय समूदायको सक्रियतामा उपभोक्ता समितिमार्फत सो बाटो तिहार लगतै बनाउन सुरु गरेको थियो । ढुंगाको पर्खाल निर्माण पश्चात आजबाट ईट्टा छपाई सुरु भएको हो । सो छपाईमा ४ जना डकर्मी र २ जना ज्यामी खतिएका छन् भने उपभोक्ता समितिका पदाधिकारी समेत जुतेका छन् । भोलीबाट थप ३ जना नगरपालिकाका कर्मचारी बाटो बनाउन लाग्ने भएको छ । भक्तपुर नगरपालिका वडा नम्वर १०को वडा बजेटबाट सो ईटा छपाई कार्य भइरहेको छ । गत वर्ष भक्तपुर क्षेत्र नम्बर १का सांसद प्रेम सुवालको सिफारिसमा ईट्टा छपाई कार्य सुरु भएकोमा बाटोमा थप खानेपानीको पाई बिछ्याउनु परेपछि अधुरो भएको थियो ततःपश्चात भक्तपुर दरवार क्षेत्रका समुदायकालागि खानेपानीको पाईप बिछ्याउने कार्य सम्पन्न भएपछि थप ईट्टा बिछ्याउने कार्य सुरु भएको हो । ब्यारेकसम्मको बाटोमा भने गत वर्ष ग्राबिल बिछ्याउने कार्य भएको थियो । यद्यपी ढलको व्यवस्था हुन बाँकी रहेको स्थानीय समुदायको जनगुनासो छ । नयाँ नयाँ घर बनाउनेक्रमसँगै धारा जोड्ने बेला बाटो संरक्षणमा ध्यान दिन नसक्दा र बढी भारका सवारी साधनहरु सञ्चालन हुँदा खानेपानीको लाई टुट्ने र छापिएका ईटाहरु पनि टुट्फुट हुँदै बाटो हिलो मैलो भएका थिए । अब फेरी त्यसो हुन नदिने गरी उपभोक्ता समितिले ब्यवस्थापन गर्ने स्थानीयको तायारी छ ।
