मध्यपुर थिमी नगरपालिकाको आव २०७९।८०को बजेट नीति तथा कार्यक्रम आज सार्वजनिक
भक्तपुर, श्रावण २५ गते
मध्यपुर थिमी नगरपालिकाले आव २०७९।८०को बजेट नीति तथा कार्यक्रम आज सार्वजनिक गरेको छ । हाम्रो कला हाम्रो संस्कृति, मध्यपुर थिमि, हाम्रो सम्पति भन्ने मूल नाराबोकेको मध्यपुर थिमी नगरपालिकाले आज सार्वजनिक गरेको बजेट, नीति तथा कार्यक्रम अनुसार यो आर्थिक वर्षका लागि १ अर्ब ७८ करोड १० लाख ५० हजारको चालू खर्च, पूँजिगत खर्च र बित्तिय व्यवस्थाको बजेट विनियोजन गरेको जनाएको छ । सो अवसरमा प्रस्तुत बजेट सम्वन्धि विस्तृत जानकारी भएको पुस्तक र आर्थिक ऐन २०७९ समेत सार्वजनिक गरेको हो ।
रोजगार विस्तार गर्न प्राविधिक शिक्षालय सञ्चालन गर्ने लक्ष्यका साथ मध्यपुर थिमी नगरपालिका क्षेत्रलाई शैक्षिक गन्तव्य स्थलको रुपमा विकास गर्ने शिक्षा ऐन बनाउने नीति पनि लिएको छ । नगरवासीको आपत्कालिन स्वास्थ्य संकट व्यवस्थापनका लागि आकस्मिक स्वास्थ्य उपचार कोष स्थापना सहितको स्वास्थ्य ऐन स्वीकृत गरी लागु गर्ने नीति लिएको छ । नगर क्षेत्रभित्रका खुल्ला र सार्वजनिक जग्गाको संरक्षण र उपयोग गर्न आवश्यक बजेट विनियोजन गरी सार्वजनिक जग्गाको संरक्षणको नीतिलाई कार्यान्वयनमा लाने नगर प्रमुख सुरेन्द्र श्रेष्ठद्वारा जारी बक्तव्यमा भनिएको छ । भवन निर्माण संहितालाई कडाइका साथ कार्यान्वयन गरी सबै खाले घर तहरा नियमण गरी नक्सापासको दायरामा ल्याउने भनिएको छ । मध्यपुर थिमीका मूत, अमृत र अभिलिखित कला संस्कृतिहरुलाई संरक्षण संवद्र्धन गर्दै अभिलेखिकरण गर्ने नीति प्रस्तुत गरेको छ । नगरको फोहर मेला व्यवस्थापनका लागि ४० माइक्रोन भन्दा कमका प्लास्टिक झोला निषेधित क्षेत्र धोषणा गरी कपडा र कागजातको झोला प्रयोगलाई प्रोस्ताहित गर्ने नीति लिएको छ । कृषि विमालाई प्रभावकारी बनाउने लक्ष्य लिएको मध्यपुर थिमीले राजश्व तथा आर्थिक नीति अन्तर्गत न्युनतम २० प्रतिशत श्रम सहभागितामा उपभोक्ता समिति मार्फत काम गराउने नीती पनि अवलम्बन गरेको छ ।
