थप २ सय १३ जनामा कोरोना सङ्क्रमण ।
पछिल्लो २४ घण्टामा थप २ सय १३ जनामा कोरोना भाइरस सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार ४ हजार ९ सय ४ पिसिआर परिक्षणमा १ सय ९७ जना र १ हजार ७ सय २५ एन्टीजेनबाट १६ जना गरी २ सय १३ जनामा सङक्रमण पुष्टि भएको हो । देशभर ६ हजार ६ सय ३२ नमुना परीक्षण गरिएको थियो । पछिल्लो २४ घण्टामा ३ सय १५ जना भने सङ्क्रमणमुक्त भएका छन् । यससँगै सक्रिय सङ्क्रमितको सङ्ख्या ७ हजार १ सय ५६ पुगेको छ । पछिल्लो २४ घण्टामा ३ जनाको मृत्यु भएको मन्त्रालयले जनाएको छ । यससँगै मृतकको सङख्या ११ हजार ५ सय २१ पुगेको छ ।
