टी–ट्वान्टी क्रिकेट वरीयतामा नेपाली क्रिकेटका ओपनर भुर्तेलको स्थान खस्कियो ।
आईसीसीले टी–ट्वान्टी क्रिकेटको वरीयता सार्वजनिक गरेको छ । आईसीसीको टी–ट्वान्टी क्रिकेट वरीयतामा ब्याटिङ तर्फ नेपाली राष्ट्रिय क्रिकेट टोलीका ओपनर कुशल भुर्तेलको स्थान खस्किएको छ।क्रिकेटको सर्वोच्च निकाय अन्तर्राष्ट्रिय क्रिकेट काउन्सिल (आईसीसी)ले अपडेट गरेको नयाँ वरीयता अनुसार कुशलको वरीयता एक स्थान खस्किएको हो।कुशल नयाँ वरीयताको ५८ औं स्थानमा रहनुभएको छ। यसअघि उहाँ ५७ औं स्थानमा हुनुहुन्थ्यो। ब्याटिङतर्फ नेपालका पूर्वकप्तान पारस खड्का ९५ औं स्थानमा उक्लिनुभएको छ । यस्तै, कप्तान ज्ञानेन्द्र मल्ल ९९ औं स्थानमा रहनु भएको छ । वरीयतामा पाकिस्तानका बाबर आजम शीर्षस्थानमा रहनुभएको छ भने भारतका कप्तान विराट कोहली ८ औं स्थानमा पुग्नुभएको छ।यस्तै बलिङतर्फ लेगस्पिनर सन्दीप लामिछाने ८७औं स्थानमा उक्लिनुभएको छ । यसअघि उहाँ ८८ औं स्थानमा रहनुभएको थियो । यस सूचीमा श्रीलङ्काका वानिन्दु हसरङ्गा शीर्षस्थानमा रहनुभएको छ ।
