६ महिने बाजा प्रशिक्षणको आज लोकार्पन, भोलि समापन हुने
भक्तपुर, असोज १७ गते
झिगु ख्वप वचत तथा ऋण सहकारी संस्था लि.ले आयोजना गरेको ६ महिने आधुनिक वासुरी, र पम्परागत पछिमाय् र धलक बाजा प्रशिक्षणको आज लोकार्पन भएको छ । भक्तपुर नगरपालिका वडा नं. ७ स्थित झिगु ख्वपले २३ जना बासुरी, ३ जना पछिमाय् र ३ जना धलक गरी २९ जनाले बाजाको प्रशिक्षण पूरा गरी लोकार्पन गरेकोे आयोजक समितिका हरिकृष्ण दनेगुलुले जनाए ।
१० वर्षका बालिका देखि ६० वर्षमाथिसम्मका जेष्ठ नागरिकहरु समेतको सहभागितामा सो प्रशिक्षण आयोजना भएको ब्यवस्थापक राकेश सुकुपायोले जनाए । कोरोना भाइरस संक्रमणको जोखिमका कारण प्रशिक्षण सुरु भएको सारे एक वर्षपछि प्रशिक्षण पूरा भएको आयोजकले जनाएको छ ।
साँस्कृतिक नगरी भक्तपुरमा हुने विभिन्न जात्रा पर्व र विवाह, ब्रतबन्ध सहित विभिन्न कार्यक्रमहरुमा बाजा बजाउन सकिने गरी सो तालिम आयोजाना भएको आयोजक समितिका भुवन गोसाईले बताए । प्रशिक्षण पूरा भएको उपलक्ष्यमा परम्परागत शैलीमा नासःद्यको पूजा आरधाना गरी प्रशिक्षार्थीहरुलाई सगुन र बाजा हस्तान्तरण गरी प्रशिक्षण पूरा गरेको छ ।
प्रशिक्षण पुरा गरी आज नासः द्यमा पूजा सम्पन्न गरेपछि प्रशिक्षार्थीहरुले खुल्ला ठाउँमा बाजा बजाउन सकिने मान्यता रहेको छ । प्रशिक्षण पूरा गरेको उपलब्यमा सोमबार भक्तपुर नगर परिक्रममा गरी च्वाङा द्य मन्दिर परिसरमा समापन कार्यक्रम आयोजना गर्ने आयोजक समितिको तयारी छ । बागमति प्रदेशका प्रदेश सांसद सुरेन्द्रराज गोसाईको प्रमुख आतिथ्यतामा वाजा प्रशिक्षण सम्पन्न गर्ने आयोजक समितिको तयारी छ । समुदायमा आधारित झिगु ख्वप साकोसले यस भन्दा अगाडी धिमाय् बाजा प्रशिक्षण दिएको थियो । परम्परागत संस्कृति र सभ्यतालाई जीवन्त राख्न, नयाँ पुस्तालाई दिक्षित गर्न यस्तो तालिमहरुलाई निरन्तरता दिन्दै आएको र दिन्दै जाने आयोजक समितिले जनाएको छ ।
