भक्तपुर प्रहरीको माघ महिनाभरीका कार्यसम्पादन तथा गतिविधिहरुको विवरण सार्वजनिक
भक्तपुर, फागुण ४ गते
जिल्ला प्रहरी कार्यालय भक्तपुरले गत माघ महिनाभरी गरेका कार्यसम्पादन र गतिविधि बारे जानकारी दिएको छ । प्रहरीका सूचना अधिकारी प्रकाश जवेगुका अनुसार जिल्ला प्रहरी भक्तपुर अन्तर्गत विभिन्न प्रहरी वृत्त र चौकीहरुबाट भएका कार्यसम्पादन तथा गतिविधिहरुमा अपराध अनुसन्धान तथा नियन्त्रण तर्फ १५२ वटा मुद्दा दर्ता गरेका छन् । यसरी दर्ता भएको मुद्दाहरुमा जघन्य तथा गम्भीर अपराधका २ वटा मुद्दा रहेको उहाँले बताए । जघन्य अपराध अन्तर्गत कर्तव्य ज्यान २, लागू औषध ८ मुद्दा रहेका छन् । बहुविवाहको १, बैकिङ् कसुरका ६२ वटा, ठगी ७, चोरी १६, जुवा १ गरी ८६ मुद्दा रहेका छन् । चालू मुद्दाका प्रतिवादी ११० जना पक्राउ गरेको छ । ३२ जना पक्राउ गरी ६७ लाख ४७ हजार ८० रुपियाँ विगो रकम र २ वर्ष ९ महिना १ दिन सजाय फैसला कार्यान्वयन गरेको छ । जिल्लामा शान्ति सुरक्षा कायम गर्न अपराध न्यूनिकरणका विभिन्न कार्यक्रम र गतिविधि गरेको भक्तपुर प्रहरीको माघ महिना भरि भएका गतिविधिहरुको विवरण भक्तपुर प्रहरीका सूचना अधिकारी प्रकाश जवेगुले यसरी प्रस्तुत गरेको छ ।
