भोली हुने महाशिवरात्री पर्वकालागि डोलेश्वर मन्दिर परिसरमा भव्य तयारी थालेको छ । आज मन्दिर परिसरमा पत्रकार सम्मेलन गरी केदारनाथको शिर डोलेश्वर महादेव संरक्षण तथा विकास समितिले यस वर्षको महाशिवरात्री पर्वको तयारी बारे जानकारी दिएका छन् । समितिका अध्यक्ष धर्मराज बस्नेतले एक प्रेस विज्ञप्ति जारी गर्दै दोलेश्वरमा आउने भक्तजनहरुलाई विहान ४ बजे देखि साँझ ८ बजेसम्म मन्दिरका चारबटै धोका खुल्ला गरि आघा धण्टा भित्र दर्शन गर्न सकिने गरी व्यवस्था गरेको जनाएको छ । जतिसुक्कै भक्तजनहरु आएपनि हुल व्यवस्थापन गर्ने गरी विना तलव स्वयम्सेवकहरु परिचालन गरिएको जानकारी दिदै डालेश्वर आउने भक्तजनहरुलाई सवारी पार्किङ्ग तथ सौचालयको समेत समस्या नहुने तथा आएका भक्तजनहरुलाई विशेष प्रसादको समेत व्यवस्था हुने जनाएको छ । साथै उहाँले भारतका विभिन्न ठाउँबाट डोलेश्वर मन्दिर दर्शन गर्न आएका साधु सन्तहरुलाई क, ख र ग वर्गमा बगिकरण गरि अतिथि सत्कार कार्य गर्दै आएको जनाएको छ ।
