भूक्षयको जोखिम हटाउन निलबाराहीमा शनिबार वृहत्त श्रमदान हुने
भक्तपुर, जेष्ठ ९ गते
काठमाण्डौ उपत्यकाको नामुद बाराही जस्लाई धन बाराहीको रुपमा पूजिदै आएको छ । यी नै प्रसिद्धे भक्तपुरको निल बाराही मन्दिर भूक्षयको जोखिममा परेको क्षेत्रको संरक्षणकालागि शनिबार वृहत्त श्रमदान गर्ने भएको छ । गते जेष्ठ ३ गते शनिबार देखि मन्दिर संरक्षणकालागि २ घण्टा श्रमदान गरौ भन्दै सुरु गरेको श्रमदान अन्तर्गत शनिबार अर्थात जेष्ठ १० गते वृहत्त श्रमदान हुने आयोजकले जनाएको छ । आयोजक निलबाराही संरक्षण सरोकार समितिले आह्वान गरे अनुसार निल बाराही क्षेत्रको भूक्षय जोखिम व्यवस्थापनकालागि शनिबार विशेष श्रमदान हुने जनाएको छ । मध्यपुर थिमी नगरपालिका वडा नं. ९ स्थित टिगनीस्थित निल बाराही मन्दिर परिसरमा रहेको ५ सय रोपनी जग्गा संरक्षणकालागि हरेक दिन श्रमदान गर्दै आउनेक्रममा शनिबार श्रमदानका लागि विशेष सहभागिता हुने अभियान्ता निसुल प्रजापतिले जनाएको छ । सो क्षेत्रको संरक्षण गर्दै एक दिनमा उपत्यकाका ३० लाख मानिसहरुले भ्रमण गराउने लक्ष्य सहित उपत्यकाकै सुन्दर बनको रुपमा संरक्षण अभियान सञ्चालन हुने जनाएको छ ।
