प्रथम राष्ट्रव्यापी किक बक्सिङ प्रतियोगिताको खेलाडी दर्ता तथा तौल जाँच एवं वर्गीकरण कार्य भोली र पर्सि हुने
भक्तपुर, बैशाख १६ गते
प्रथम राष्ट्रव्यापी किक बक्सिङ प्रतियोगिताको खेलाडी दर्ता तथा तौल जाँच एवं वर्गीकरण कार्य भोली र पर्सि हुने भएको छ । यही बैशाख १९ र २० गते जगातीस्थित चाईनिज ईट्टा उद्योगको एक हलमा आयोजना हुन गई रहेको सो प्रतियोगिताको तयारी स्वरुप खेल खेलाउन रिङ्ग सेटिको कार्यसँगै खेलाडीहरुको नाम दर्ता र तौल जाँच एवं ं वर्गीकरण कार्य बैशाख १७ र १८ गते हुने आयोजक समितिका अध्यक्ष कृष्णराम जाकिबन्जारले जनाएको छ । देशका सातै प्रदेशबाट १२० भन्दा बढी खेलाडीहरुको सहभागितामा ११ विधामा हुने सो प्रतियोगिताका विजेताहरुलाई आकर्षण नगद पुरस्कारको पनि घोषणाको तयारी भएको उहाँले बताए । नगद पुरस्कार भोली साँझ सम्ममा हुने छ अध्यक्ष जाकिबन्जारले बताए ।
भक्तपुरमै पहिलोपटक आयोजना हुन गईरहेको राष्ट्रव्यापी किक बक्सिङ्ग प्रतियोगिताले खेलको विकास र खेलाडीलाई राष्ट्रिय, अन्तर्राष्ट्रिय स्तरको क्षमतावृद्धि गर्ने उदेश्य लिएको उहाँले बताए । जतिसुकै खेलाडी प्रतियोगितामा सहभागि भए पनि खेल अवधीभर खाने र बस्ने आयोजक समितिले ब्यवस्था गरेको उल्लेख गर्दै खेलाडीहरुलाई रु. २ लाखसम्मको विमाको पनि व्यवस्था रहेको बताए । किक बक्सिङ खेल आक्रामक र हिंस्रक देखिएपनि तालिम प्राप्त खेलाडीहरु बीच हुने भएकाले प्रतियोगिता अनुशासित र सयमित हुने उहाँले बताए ।
