जय भिमसेन साकोसले गर्यो आज खुल्ला रक्तदान
भक्तपुर, चैत्र २३ गते
जय भिमसेन बचत तथा ऋण सहकारी संस्था लिमिटेडको युवा तथा खेलकूद उप समितिले आज खुल्ला रक्तदान कार्यक्रम आयोजना गरेको छ । सो रक्तदान कार्यक्रम रक्त सञ्चार केन्द्र भक्तपुरको प्राविधि सहयोगमा गोल्मढी भक्तपुरमा आयोजना गरेको थियो । सो रक्तदान कार्यक्रममा ३९ जनाले रक्तदान गरेको संस्थाले जनाएको छ । रक्तदाताहरुलाई आजै संस्थाले प्रमाण पत्र सहित धन्यवाद ज्ञापन गरेको छ । उपचारमा रहेका विरामीहरुलाई सहज रुपले रगत उपलब्ध गराउन जय भिमसेन साकोसले सामाजिक उत्तरदायित्व बहन गर्दै आज रक्तदान कार्यक्रम आयोजना गरेको संस्थाका अध्यक्ष दसबहादुर मानन्धरले जनाएको छ ।
