अन्तर नगर जिम्याष्टिक प्रतियोगिताको प्रचार प्रसार
भक्तपुर, चैत्र ३ गते
भक्तपुर नगरपालिकाले यसै चैत्र २३ गते देखि २६ गतेसम्म आयोजना गर्ने अन्तर नगर जिम्याष्टिक प्रतियोगिताको प्रचार प्रसारका लागि जनप्रतिनिधीहरु विभिन्न पालिकाहरुमा पुगेका छन् । भक्तपुर नगरपालिकाका उपप्रमुख रजनी जोशीको नेतृत्वमा सो प्रतियोगितामा सहभागिता र प्रचार प्रसारका लागि विभिन्न नगरपालिकाहरुमा निमन्त्रणा दिन गएका हुन ।
उपप्रमुख श्रेष्ठको तोलीले आज शंकरापुर नगरपालिकाका उपप्रमुख समिता श्रेष्ठ, कागेश्वरी मनोहरा नपाका उपप्रमुख शान्ता थापा, गोकर्णेश्वर नपाका उपप्रमुख सान्नानी लामा, मध्यपुर थिमी नपाका उपप्रमुख विजयकृष्ण श्रेष्ठलाई सम्बन्धित नगरपालिकाको कार्यालयमा गई भक्तपुर नगरपालिकाको निमन्त्रणामा हुन गइरहेको अन्तर नगर जिम्न्याष्टिक प्रतियोगिताको सहभागिताको लागि पत्र, खेलाडी दर्ता फाराम, प्रतियोगिताको प्राविधिक नियमावलीलगायत नपाका प्रकाशनहरु हस्तान्तरण गरेका हुन ।
भनपाबाट उपप्रमुख जोशीको नेतृत्वको टोलीमा वडा नं। १ का वडाध्यक्ष श्यामकृष्ण खत्री, वडा सदस्य ज्ञान बहादुर मानन्धरलगायत जिम्न्याष्टिक संघका पदाधिकारीहरु समेत रहेको थियो ।
