भूकम्पमा परेर चीनमा ९५ जनाको मृत्यु, १३० जना घाइते ।।
आज बिहान गएको भूकम्पमा परेर चीनमा ९५ जनाको मृत्यु भएको छ । १३० जना घाइते भएका छन् । बिहान ६ बजेर ५० मिनेटमा चीनको सिजाङ स्वशासित क्षेत्रको डिङ्गयी काउन्टी केन्द्र भएर ७ म्याग्निच्युडको भूकम्प गएको थियो । भूकम्पपछि राष्ट्रपति सी जिनपिङले सबै प्रकारका उद्धारको प्रयास गर्न निर्देशन दिनुभएको समाचार संस्था सिन्हुवाले जनाएको छ । उहाँले भूकम्प प्रभावित क्षेत्र चिसो पठार क्षेत्रमा पर्ने भएकाले प्रभावित जनताको आधारभूत जीविकोपार्जनको सुनिश्चितता र जाडोमा न्यानो रहनका लागि हरसम्भव उपाय अपनाउनुपर्नेमा जोड दिनुभयो । भूकम्पको धक्का नेपाल र भारतमा पनि महसुश गरिएको थियो ।
