भक्तपुर महोत्सवको व्यापार मेलाको तयारी तिब्र
भक्तपुर, मंसिर १७ गते
भक्तपुर महोत्सवको व्यापार मेला महेश्वरी खेल मैदानमा हुने भएपछि सो क्षेत्रमा मेलाको तयारी तिव्र पारिएको छ । भक्तपुर युवा टिमको संयोजनमा सो क्षेत्रमा मनोरञ्जन पार्क, बाल मेला, साँस्कृतिक मेला तथा व्यापारिक मेला समेत हुने भएकाले मेलाको तयारी तिव्र पारिएको आयोजक समितिका अध्यक्ष केशव त्वायनाबासुले जनाएको छ । १सय ५०बाट व्यापारिक स्थलहरु रहने महेश्वरी खेल मैदानमा महोत्सव अवधिभर साँस्कृतिक कार्यक्रम नाँचगान पनि हुने आयोजक समितिले जनाएको छ । मेलामा अझै केही स्थलहरु थप्न सकिने भएकोले इच्छुट व्यवासयीहरुले स्थल बुकिङ्ग गर्न सकिने पनि जनाएको छ । स्थल बुकिङ् थप जनकारीकालागि गोल्मढी यातामा भक्तपुर महोत्सव व्यापार मेलाको सचिवालय स्थापना गरिएको छ ।
