तेस्रो दिनमा स्पोर्टस एकेडेमी र बागेश्वरी मझुवाको जित
भक्तपुर, फाल्गुण २० गते
तेस्रो भक्तपुर कपको तेस्रो दिनका खेलहरुमा स्पोर्टस एकेडेमी( सामाजिक युवा क्लब) र बागेश्वरी मझुवा युवा समाजले जितेको छ । मौसम प्रतिकृलतका बीच आईतबार भएको पहिलो खेलमा सिद्धि स्मृति भक्तपुर फुटवल क्लबलाई १ का विरुद्ध २ गोल गरी स्पोर्टस् एकेडमी साँगाले जितेका हुन भने दोस्रो खेलमा बागेशवरी मझुवाले भक्तपुर क्याम्पसलाई ३ गोल गरी जितेको थियो ।
प्रतियोगिताको ५ औं खेलमा जित दर्ता गर्दै स्पोर्टस एकेडेमीका खेलाडी पोसन राई म्याच अफ द म्यान घोषित भएका थिए भने अर्का खेलाडी सुशिल कार्की पनि उद्यमान खेलाडीको रुपमा पुरस्कृत भएका थिए । सो खेलमा ६५ वर्षका कृष्ण्राम बोहजू र रमिता राजलवत उत्कष्ठ दर्शकका रुपमा पुरस्कृत गरेको थियो भने प्रतियोगिताको छैठौ खेलमा बागेश्वरी मझुवा युवा समाजका प्रशान्त लामा म्याच अफ द म्यान घोषित भएका थिए भने सोही टिमका निरज लामा उद्यमान खेलाडीले पुरस्कृत भएका थिए । सो प्रतियोगितामा रामभक्त बोहजू र सक्षम ख्याजू उत्कृष्ठ दर्शकका रुपमा पुरस्कृत भएका थिए ।
सोमबार हुने ७ औं र ८ औं खेलहरुमा श्री इन्द्र बस गण र बदला एफसी बीच र वी आर ब्रर्दस विरुद्ध चाँगुनारायण नगरपालिका बीच खेल हुने छ। महेश्वरी खेल मैदानमा भइरहेको सो खेल दिउँसो १ बजे र ३ बजे हुने छ । भक्तपुर युवा टिमले आयोजना गरेको सो प्रतियोगिताको फाइनल फाल्गुण २६ गते हुने छ भने भोलि देखि क्वाटर फाइनलका खेलहरु आयोजना हुने छन् ।
