तेस्रो भक्तपुर कपमा आयोजक टिमको विजय सुरुवाट
भक्तपुर, फाल्गुण १८ गते
तेस्रो भक्तपुर कपमा आयोजक टिम भक्तपुर युवा टिमले विजयी सुरुवात गरेको छ । आयोजक टिमले खेलको उद्घाटन खेल खेल्दै प्रतिद्धन्दी दीर्घायु एफसीलाई २ गोल गरी विजयी सुरुवात गरेका हुन । प्रतियोगितामा विजयी युवा टिमका विक्रम नरसिंह राना खेलका उत्कृष्ठ खेलाडी घोषित भए भने मदन पौडेल उदयीमान खेलाडी हुन सफल भएका थिए । यसै बीच दोस्रो खेलमा पाण्डु बजारले द हिलिंग होमलाई पिनाल्टि सुटबाट हराएका छन् । गत वर्षको दोस्रो भक्तपुर कपका विजयता द हिलिंग होमले २।२ गोलको वरावरी खेल खेलेपछि भएको पनाल्टी सुटमा ४।३ गोलबाट पाण्डु बजार एफसीको जित भएको थियो । नकआउटका आधारमा खोलाइएको भक्तपुर कपको दोस्रो खेलबाट दोस्रो भक्तपुर कपका विजयता टोली द हिलिंग होम प्रतियोगिताबाटै बाहिरिएको छ । प्रतियोगितामा द हिलिंग होमका गोलकिपर सुजन श्रेष्ठ उत्कृष्ठ खेलाडी घोषित भएका थिए भने पाण्डुबजारका योगेश श्रेष्ठ उदयीमान खेलाडी घोषणा भएका थिए ।
प्रतियोगिताको दोस्रो दिन तेस्रो खेलको रुपमा शनिबार दिउँसो १ बजे महेश्वरी खेल मैदानमा युनाइटेड र सृजनानगर एफसी बीच पहिलो खेल हुने छन् भने दोस्रो खेलमा द राइजिंग ग्रुप र भक्तपुर नगरपालिका बीच प्रतियोगिता हुने आयोजक समितिले जनाएको छ ।
