राऊ दोस पन्छाउन राऊ दान(नुनदान)
भक्तपुर, पुस २९ गते
भक्तपुरको तौमारीमा आज नेवार जातमा पिछडिएको जातको रुपमा परिचित पोडे समुदायलाई भव्य रुपमा राऊदानका साथै भोज खुवाएका छन् । वर्षको २ पटक अर्थात ६। ६ महिनामा यसरी राऊ खुवाएर सर्वसाधारण जनताले आफ्नो राऊ दोस फन्छाउने जनविश्वासका साथ स्थानीय समुदायले राऊ दान गर्ने गरेकोे आदिवासी जनजाति अभियान्ता राजेश दिदियाले जनाएको छ । राऊको रुपमा नुन दान गर्न स्थानीय समुदायको बाक्लो उपस्थिति थियो । दान गर्न पनि लाइनमा बस्नुपर्ने, त्यो पनि समुदायका पिछडिएका जातलाई ससम्मान चौरासी व्यञ्जन सहित भोज खुवाउने परम्पराको विशेष महत्व रहेको दिदियाको भनाई छ । यो सामाजिक सदभावको पर्व हो, भन्दै उहाँले यो पर्व नेवार समुदायको उद्यसँगै विकास भएको बताए । यस पर्वलाई नेवार संस्कारमा महादानको रुपमा लिने गरेको पण्डित सत्य शर्मा बताउँछन् । दानले पुण्य कमाई हुने विश्वासका साथै दसा फाल्न राऊदान गर्ने परम्परा रहेको पण्डित शर्माले जनसञ्चार खवरलाई बताए ।
