सवारी दुर्घटनामा वृद्धको मृत्यु
भक्तपुर, असोज २७ गते
गत हप्ता भक्तपुरको च्याम्हासिंहमा भएको सवारी दुर्घटनामा घाईते भएकी एक वृद्ध यात्रीको मृत्यु भएको छ । भनपा ९ बस्ने वर्ष ७० कि नक्कली प्रजापतिको उपचारको क्रममा हिजो राती मृत्यु भएको महानगरीय प्रहरी परिसर भक्तपुरले जनाएको छ । मृतक प्रजापतिलाई असोज १८ गते च्याम्हासिंहमा मोटरसाईलले ठक्कर दिएको थियो । ठक्कर पश्चात गम्भिर घाईते प्रजापतिलाई ख्वप अस्पतालबाट मध्यपुर थिमी अस्पतालमा रिफर भएर उपचारमा थिइन । उपचारकोक्रममा तिनको हिजो साँझ मृत्यु भएको प्रहरीले जनाएको छ ।
ठक्कर दिने मोटरसाइलक चालक १८ वर्षका उज्वल भडेललाई प्रहरी नियन्त्रणमा राखेको सूचना अधिकारी बसन्त पाठकमार्फत विज्ञप्ति जारी गदै सो वारे जानकारी दिएका हुन । असोज १८ गते साँझ च्यामासिंह स्थित कमलबिनायकबाट च्यामासिंहतर्फ आउदै गरेको बाग्मती प्रदेश ०२ ०१४ प ३३८७ नं को ल्क् पल्सर मोटरसाइकलले पैदलयात्री नक्कली प्रजापतीलाई ठक्कर दिएका हुन । सो घटनाको सम्बन्धमा थप अनुसन्धान कार्य भई रहेको सूचना अधिकारी पाठकले व्यहोरा सूचित गराएको छ ।
