भक्तपुरका एसपी केसीलाई विदाई, नवनियुक्त एसपी विष्टलाई स्वागत
भक्तपुर, भाद्र २५ गते
महानगरीय प्रहरी परिसर भक्तपुरको प्रहरी उपरीक्षकको रुपमा बेद विष्ट नियुक्त भएका छन् । नवनियुक्त प्रहरी उपरीक्षकलाई स्वागत तथा रानीपोखरीमा सरुवा हुनु भएका प्रहरी उपरीक्षक प्रजित केसीलाई विदाई गर्दै आज परिषरले पत्रकार भेटघाट गरेको थियो । सो अवसरमा हालै सरुवा हुनु भएका प्रहरी उपरीक्षक केसीले भक्तपुरको १३ महिना ९ दिनको बसाई शान्तिपूर्वक बितेको बताए ।
भक्तपुर जिल्लाको समग्र शान्ति सुरक्षा शान्त रहेको उल्लेख गर्दै प्रहरी उपरीक्षक केसीले आफ्नो पालामा शान्तिपूर्वक आम निर्वाचन सम्पन्न गरेको, विस्का जात्रा मनाएको उल्लेख गर्दै जिल्लाको शान्ति सुरक्षा यसै गरी निरन्तरता दिन सके जिल्ला सधै शान्त रहने बताए । आफ्नो कार्यकाल पूर्ण रुपमा सफलताका साथ सम्पन्न गरी रानीपोखरीमा पुगेर काठमाण्डौ उपत्यकाका तीन वटै जिल्लाको शान्ति सुरक्षाको लागि थप भूमिका खेल्ने जनाए । पत्रकार महासंघ भक्तपुरका अध्यक्ष जगतकृष्ण प्रजापति सहित पत्रकारहरुको टोलिले सो अवसरमा सरुवा भएका एसपी केसीलाई विदाई तथा नवनियुक्त एसपी विष्टलाई खाडा ओडाएर स्वागत गरेका थिए।
