आज २१३ जनामा कोरोना सङ्क्रमण पुष्टि ।
पछिल्लो २४ घण्टामा नेपालमा २१३ जनामा कोरोना सङ्क्रमण पुष्टि भएको छ । देशका विभिन्न प्रयोगशालामा गरिएको ५ हजार ९६२ परीक्षणमा २१३ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । यस्तै १ हजार ६६९ जनाको एन्टिजेन परीक्षण गर्दा ३ जनामा सङ्क्रमण देखिएको छ । पीसीआर र एन्टिजेन विधिबाट गरिएको ७ हजार ६३१ परीक्षणबाट २१६ जनामा कोरोना सङ्क्रमण पुष्टि भएको मन्त्रालयले जनाएको छ । पीसीआर परीक्षणमा हालसम्म ८ लाख २८ हजार ९८६ जना सङ्क्रमित भएका छन् ।
यस्तै आज २०९ जना सङ्क्रमणमुक्त भएका छन् । यो सँगै निको हुनेको संख्या ८ लाख १२ हजार ४१९ पुगेको छ । पछिल्लो २४ घण्टामा सङ्क्रमणबाट २ जनाको मृत्यु भएको छ । कोरोनाबाट हालसम्म देशभर ११ हजार ५९८ जनाको मृत्यु भएको छ । अहिले देशभर सक्रिय सङ्क्रमित संख्या ४ हजार ९७१ जना रहेको छ ।
