४१ औं तःमुज्याको अन्तिम तयारी
भक्तपुर, असोज २९ गते
“जनता बाचे भाषा बाच्छ” भन्ने उद्घोष गर्दै आएको नेपाल भाषा साहित्य तःमुज्याले आफ्नो ४१ औं सृखला ख्वप कलेजको प्रांगणमा गर्ने अन्तिम तयारी थालेको छ । प्रत्येक वर्ष विजया दशमी, मोहनी नखाःपछिको द्वादर्सी र त्रयोदर्शीका दिन हुँदै आएको तःमुज्याको ४१ औं सृखलालाई कोरोना संक्रमणबाट सुरक्षित हुने गरी स्वास्थ्य मापदण्ड परिपालन गरी मात्रै सञ्चालनको तयारी गरेको ४१ औ नेपाल भाषा साहित्य तःमुज्याका अध्यक्ष गणेशराम थुसाले जनाएको छ । कोरोना जोखिमका कारण सांस्कृतिक कार्यक्रम स्थगित गरी साहित्यीक र प्रवर्चन कार्यक्रममात्र आयोजना हुने उहाँले बताए । यस वर्ष ४० जना साहित्यकारहरुले प्रतियोगितामा सहभागिता जनाउने भएको उल्लेख गर्दै अन्य अतिथी साहित्यकारहरुको पनि साहित्य बाचन हुने उहाँले बताए । सओज ३१ र कार्तिक १ गते गरी दुई दिन सम्म दिउँसो १ बजे देखि साँझ ६ वजेसम्म तःमुज्या आयोजना हुने अध्यक्ष थुसाले जनाए ।
नेपाल मजदुर किसान पार्टीका अध्यक्ष नारायणमान विजुक्छे रोहितको प्रमुख आतिथ्यमा आयोजना हुने सो कार्यक्रम एमसीसीको विरोधमा केन्द्रीत हुने पनि आयोजक समितिले जनाएको छ । अध्यक्ष विजुक्छे सहित देशका विभिन्न क्षेत्रमा क्रियाशिल रहेका वरिष्ठ पत्रकार, वकिल, साहित्यकार, समाजसेवी, चिकित्सक, शिक्षाविद्हरुको सहभागिता हुने पनि उहाँले जनाए । अहिले मञ्चको काम धमाधम भइरहेको छ । असोज ३१सम्म सम्पूर्ण तयारी पूरा हुने आयोजक समितिका पदाधिकारीहरुले जनाएको छ । मञ्चलाई साँस्कृतिक एवं कलात्मकरुपले सजाएको छ । तःमुज्यास्थल जाने मुलबाटोमा ध्वाका बनाएको छ । तःमुज्या स्थलमा आकर्षक दुईवटा मञ्च बनाउँदै छ । आठ सय देखि हजार जनाले दर्शकलाई प्रत्यक्ष सहभागिता गराई यसपालिको तःमुज्या आयोजना गर्ने आयोजकहरुको तयारी छ । भक्तपुर नगरका विभिन्न टोल टोलहरुमा आयोजना हुँदै आएको तःमुज्या खुल्ला ठाउँको अभावमा भनपा ६ मा अहिलेसम्म आयोजना भएको थिएन । कोरोना जोखिम व्यवस्थापन हुने गरी ख्वप कलेजको प्रांगणमा तःमुज्या आयोजनाको अरिन्तम तयारी गर्न थालेको छ । तःमुज्याको अनलाईन र विभिन्न टेलिभिजनहरुबाट पनि प्रत्यक्ष प्रसारणको व्यवस्था भएको ग्वसाखलले जनाएको छ ।
