दसैँको तेस्रो दिन आज चन्द्रघन्टा भगवतीको पुजा गरिँदै ।
आज बडादसैँको तेस्रो दिन, चन्द्रघण्टा भगवतीको पुजा अर्चना गरेर मनाइँदै छ। आज दसैँ घर र विभिन्न शक्तिपीठहरूमा भगवती दुर्गाको एक रुप चन्द्रघण्टाको पूजा आराधना गरिँदैछ।घटस्थापना गरेसँगै नवदूर्गाका ९ वटा रूपहरूको पूजा गर्नुपर्ने धार्मिक मान्यता रहेको छ। दसैँको तेस्रो दिन आज देशभरीका नवदुर्गाका मन्दिर र शक्तिपीठहरूमा भक्तजनहरूको भिड लागेको छ। राजधानीभित्र शोभा भगवती, तलेजुभवानी, भद्रकाली, गुहेश्वरी, मैतिदेवी, दक्षिणकाली, कालिकास्थान, नक्साल भगवतीसहितका शक्तिपीठहरूमा दर्शनार्थीहरूको घुँइचो लागेको हो ।त्यस्तै उपत्यका बाहिरका शक्तिपीठहरुमा पनि दर्शनार्थीको भीड लागेको छ ।
