भक्तपुरमा थपिए १०१ संक्रमित, देशभर ९६६ कोरोना मुक्त
भक्तपुर, असोज ४ गते
भक्तपुर जिल्लामा अहिलेसम्मकै बढी कोरोना संक्रमित थपिएका छन् । निषेधाज्ञा खुकुलो भएपछि आईतबार एक्कै दिन १ सय १ जना कोरोना संक्रमित थपिएको स्वास्थ्य तथा जनसंख्या मन्त्रालयले जनाएको छ । आफ्नो नियमित प्रेस ब्रिफिङका क्रममा मन्त्रालयका प्रबक्ता डा.जागेश्वर गौतमले भक्तपुरका ४१ म्हिला र ६० पुरुष सहित आईतबार १०१ जनामा कोरोना संक्रमण पुष्टि भएको बताएका हुन । काठमाण्डौ उपत्यकामा भक्तपुरका १०१ जना सहित ७६७ जना संक्रमित भएका हुन भने देशभर आईतबार १ हजार ३ सय २५ जना संक्रमित थएिका छन् । प्रवक्ता डा. गौतमका अनुसार देशका ४९ वटा प्रयोगशालाबाट पछिल्लो २४ घण्टामा गरिएको ९ हजार ५८४ जनाको पीसीआर परीक्षणमा १,३२५ जनामा कोरोना पोजेटिभ देखिएको हो । योसँगै कोरोना संक्रमितको संख्या ६४ हजार १२२ पुगेको छ । संक्रमितहरु मध्ये गत २४ घण्टामा ९६६ जना कोरोना संक्रमण मुक्त भएपछि कुल संक्रमणमुक्त हुनेको संख्या ४६ हजार २३३ जना पुगेको छ । अहिले सक्रिय संक्रमितको संख्या १७ हजार ४७८ जना आसोलेसनमा रहेका छन् । संक्रमितहरु मध्ये थप १० जनाको आईतबार मृत्यु हुँदा अहिलेसम्म मृत्यु हुनेको संख्या ४११ पुगेको छ । अहिले क्वारेन्टिनमा रहनेको संख्या ७ हजार ४५१ छन् । उपत्यकामा थपिएका ७६७ संक्रमितहरु मध्ये काठमाण्डौका ६०२, ललितपुरमा ६४ र भक्तपुरमा १०१ जना रहेका छन् ।
