भक्तपुर, बैशाख १३गते
भक्तपुरका नगरपालिकाहरुले कृषि उत्पादनलाई ध्यान दिन्दै कृषकलाई बीउ बितरण गर्न थालेको छ । भक्तपुर नगरपालिकाले शुक्रबार देखि धानको बीउ निःशुल्क वितरण थालेको छ । शुक्रबार एकैदिन ५ हजार ९ सय भन्दा बढी कृषक परिवारलाई खुमल ११ ताइचिन धानको बीउ वितरण गरेको थियो भने वितरण गर्न बाँकी कृषक परिवारलाई आईतबार वितरण गर्ने तयारी छ । भक्तपुर नगरपालिकामा मात्रै १० हजार कृषक परिवारकालागि धानको बीउ वितरणको विवरण संकलन भएको भक्तपुर नगरपालिकाले जनाएको छ । स्वंयसेवक परिचालन गर्दै प्रतिकृषक एक पाठी धानको बीउ बितरण गरिरहेको हो । मध्यपुर थिमी नगरपालिका भित्र खेतियोग्य जमिन नभएकाले कृषकलाई बीउ वितरण नगरिएको तर उत्पादन हुने तरकारी विक्रि बितरणको उचित व्यवस्था गरेको नगरपालिकाका प्रमुख मदनसुन्दुर श्रेष्ठले जनाएको छ । मध्यपुर थिमीका कृषकहरुले उपत्पादन गरेका तरकारीहरु स्थानीय बजार देखि काठमाण्डौको बजारसम्म पुर्याउने उचित व्यवस्थापन गरिरहेको समेत मेयर श्रेष्ठले बताका छन् । भने चाँगुनारायण नगरपालिकाले ५० प्रतिशत अनुदानमा मकै, भट्मास, धान, कोदो र फापरका बीउ वितरण सुरु गरेको छ । पहिलो चरणमा भट्मास, कोदो र फापर लगातका बीउ वितरण गरेको सो नगरपालिकाले दोस्रो चरणमा धानको बीउ वितरणको तयारी थालेको छ । भक्तपुरको अर्को नगरपालिका सूर्यविनायक नगरपालिकाले नगरका खेतियोग्य जमिन खालि राख्न नदिने उदेश्यका साथ कृषकलाई निःशुल्क बीउ वितरणको व्यवस्था गर्ने योजना बनाएको छ ।
