भक्तपुरमा थप ११४ संक्रमित ३ जनाको मृत्यु
भक्तपुर, कार्तिक १४ गते
भक्तपुरमा शुक्रबार ११४ जना कोरोना संक्रमित थपिएका छन । योसँगै भक्तपुर जिल्लाभरी कोरोना संक्रमितको संख्या २,४७७ महिला र ३,२३३ पुरुष सहित ५,७१० संक्रमित पुगेको छ । संक्रमित मध्ये १,६१८ महिला र २,०८१ पुरुष गरी ३,६९९ जना संक्रमितहरु निको भइसकेको स्वास्थ्य कार्यालय भक्तपुरले जनाएको छ । संक्रमित मध्ये २३ महिला र ४९ पुरुष गरी ७२ जनाको निधन समेत भइसकेको उल्लेख गर्दै स्वास्थ्य कार्यालय भक्तपुरका प्रमुख कृष्णवहादुर मिजारले हाल भक्तपुरमा ८३६ महिला र १,१०३ पुरुष गरी १,९३९ सक्रिय कोरोना संक्रमितहरु रहेको जनाएको छ । शुक्रबार एक्कै दिन भक्तपुरमा ११४ जनामा कोरोना संक्रमण पुष्टि हुनुका साथै १ महिला र २ पुरुष गरी थप ३ जनाको निधन समेत भएको उहाँले पुष्टि गर्नु भयो ।
शुक्रबार थपिएका संक्रमितहरुमा भक्तपुर नगरपालिकाका १२ महिला र ९ पुरुष गरी २१ जना, मध्यपुर थिमी नगरपालिकाका २१ म्हिला र १९ पुरुष गरी ४० जना, सूर्यविनायक नगरपालिकाका १७ महिला र २५ पुरुष गरी ४२ जना र चाँगुनारायण नगरपालिकाका ५ महिला र ३ पुरुष गरी ८ जना सहित ११४ जना थप संक्रमित पुष्टि भएको स्वास्थ्य कार्यालय भक्तपुरले जनाएको छ । शुक्रवार ५६ महिला र ५८ पुरुष गरी ११४ जना थप कोरोना संक्रमित भएका हुन ।
