आगलागीसंगै दुवोकाटमा ग्यास शिलिण्डर विस्फोट
भक्तपुर, कार्तिक १३ गते ।
भक्तपुरको चाँंगुनारायण नगरपालिका वडा नं २ दुवोकाटमा शुक्रबार साँंझ आगलागी भएको छ । प्रहरीले दिएको प्रारम्भिक जानकारी अनुसार कुमार कार्कीको जग्गा भाडामा लिएर विशाल श्रेष्ठ र उनकी भाउजु अस्मिता श्रेष्ठले चलाइराखेको खाजा र मासु मासु पसलमा भएको होे । आगलागीले त्यहाँं भएका दुई वटा शिलिण्डर विस्फोट भएका छन् । विस्फोटबाट दुई वटा शिलिण्डर, तीन वटा फ्रिजलगायतका सामान नष्ट भई करिव १२ लाखको भौतिक सामान नष्ट भएको जनाएको छ । विस्फोटपछि त्यहाँं ठूलो आगलागी भएको छ । तर पनि केही मानवीय क्षति नभएको महानगरीय प्रहरी परिसर भक्तपुरका डिएसपी दिपक गिरीले जनाए । दमकलको सहायताले आगो निभाउन सफल भएको छ । विजुली शर्त भई आगोलागी भएको प्रारम्भिक अनुमान गरिएको छ ।
