देश डुवाउने र जलाउने दुवै जनताका सत्रु हुन्ः प्रेम सुवाल
भक्तपुर, २३ कार्तिक
नेपाल मजदुर किसान पार्टीका केन्द्रीय सचिव प्रेम सुवालले भ्रष्टाचार गरेर देश डुवाउने र आन्दोलनको नाममा देश जलाउने दुवै नेपाली जनताका सत्रु भएको बताउनुभएको छ । नेपाल संवत् ११४७ नयाँ वर्षको अवसरमा आज भक्तपुरमा भएको सांस्कृतिक भिन्तुना ¥यालीपछि उहाँंले यस्तो बताउनुभएको हो । नेपाली कांग्रेस, एमाले, माओवादीलगायतका पुराना पार्टीहरुले भ्रष्टाचार गरी देश डुवाएको र नयाँं भनेको अहिलेको पार्टीले भदौ २३ र २४ गते देश जलाएको उहाँको आरोप थियो । उहाँंले यी दुवै पक्षबाट देश नबन्ने ठोकुवा गर्नुभयो ।
देशमा भ्रष्टाचार नियन्त्रणका लागि प्रधानमन्त्रीबाटै सुरु हुनुपर्ने खांँचो उहाँंले औल्याउनुभयो । प्रधानमन्त्रीले भ्रष्टाचार गर्नुभएन भने मन्त्रीहरुले गर्न सक्दैनन्, मन्त्रीहरुले गर्न नसकेपछि हाकिमहरुले गर्न सक्दैनन्, उहाँंको भनाई थियो । उहाँंले १७ वर्ष अगाडि भक्तपुर मालपोतमा सरारकोवाला मन्त्री निरीक्षणमा आउँंदा तत्कालिन मालपोत हाकिमले आफूहरुले खाएको घुस प्रधानमन्त्रीकोसम्म पुग्ने बताएको स्मरण गर्नुभयो । मालपोत हाकिमसावले हामी प्रधानमन्त्रीसम्म पुरयाउँंछौ, राष्टपतिसम्म पुग्छ कि पुग्दैन त्यो चाँहि थाहा भएन भन्दा मन्त्रीज्यूले केही भन्न सक्नुभएन, उहाँंले सम्झनुभयो ।
फरक प्रसंगमा उहाँंले नेपाल मजदुर किसान पार्टी चुनावमा हार्नु भनेको नेपाली जनता हार्नु भएको दावी गर्नुभयो । भारतले सिमा अतिक्रमण गर्दा होस् वा भ्रष्टाचार गर्दा अरु दल र दलका नेताहरु कोही पनि नबोल्ने बरु सवै मिलिजुली खाने गरेको आरोप उहाँंको थियो ।
फरक प्रसंगमा उहाँंले संस्कृतिको संरक्षण गर्नु सवैको कर्तव्य भएको बताउनुभयो । नेपाल संवत् नयाँ वर्षलाई केवल पात्रो परिवर्तनका रूपमा नभई भाषा, संस्कृति, इतिहास र पहिचानसँग जोडेर मनाउनुपर्नेमा उहाँंले जोड दिनुभयो ।
सभामा नेपाल भाषा साहित्य तःमुंज्याका अध्यक्ष आशाकुमार चिकंबञ्चार, ४६ औ नेपाल भाषा साहित्य सम्मेलनका आयोजक समिति गोल्मढी भक्तपुरका अध्यक्ष एवं भक्तपुर नगरपालिका वडा नं ७ का वडा अध्यक्ष उकेश कवांलगायतले बोल्नुभएको थियो ।
नेपाल भाषा साहित्य तःमुंज्या र सांस्कृतिक भिन्तुना ¥याली आयोजक समितिको आयोजनामा भिन्तुना ¥याली भएको थियो । ¥यालीमा सयौँ बाजागाजा समूहसहित हजारौँ मानिस सहभागी भएका थिए ।
¥याली भक्तपुरको सूर्यमढी र टौमढी गरी दुई स्थानबाट सुरु गरेका थिए । दुवै स्थानबाट सुरु भएको ¥याली भक्तपुर नगरका छुटाछुटै विभिन्न टोल तथा बजार परिक्रमा गर्दै भक्तपुर दरबार क्षेत्रमा खौमामा पुगेका थिए । त्यहाँस्थित स्थापित नेपालभाषाका सेवी, समाज सुधारक तथा मास्टर जगतसुन्दर मल्लको सालिकमा फूलमाला तथा फूलका गुच्छाले माल्यार्पण गरेका थिए । माल्यार्पणपछि गीत संगीत नृत्य तथा सांस्कृतिक प्रस्तुतिका साथ सभा गरेको थियो । सांस्कृति कार्यक्रममा पनि सयौं कलाकारहरु सहभागी रहेका थिए ।
¥यालीमा परम्परागत बाजागाजा, सांस्कृतिक समूह तथा विभिन्न जातजातिका मानिसहरूको उत्साहजनक सहभागिता रहेको थियो । नेपाल भाषा, कला, संस्कृति र मौलिक पहिचानको संरक्षण तथा प्रवद्र्धन गर्ने उद्देश्यले आयोजित ¥यालीले भक्तपुरको सांस्कृतिक वैभवलाई प्रदर्शन गरेको थियो ।
