धारिलो हतियार प्रहार गरी आफ्नै आमाको हत्या गर्ने प्रहरी नियन्त्रणमा
ठिमी, माघ ३ गते
भक्तपुर प्रहरीले धारिलो हतियार प्रहार गरी आफ्नौ आमाको हत्या गर्ने एक युवालाई नियन्त्रणमा लिएको छ । मध्यपुर थिमि नगरपालिका वडा नं. ३ तेर्सेटारको एक घरमा डेरा गरी बस्ने सरिता भण्डारीलाई हिजो राती निजकै २७ वर्षिय छोरा प्रबिन भण्डारीले धारिलो हतियार प्रहार गरी गम्भिर घाइते बनाएपछि उपचारकालागि भक्तपुर इन्टरनेशनल अस्पताल लगिएकोमा उपचारकैक्रममा हिजो राती मृत्यु भएको प्रहरीका सूचना अधिकारी प्रकाश जवेगुले जनाएको छ । सानो ठिमी प्रहरी प्रभागका प्रहरीलाई सो घटना बारे जानकारी पाएपछि भक्तपुर प्रहरीको अनुसन्धान टोली सहित परिचालन गरी मृतकका छोरालाई पक्राउ गरेको उनले जनाएको छ । प्रहरीका अनुसार आफ्नै आमालाई धारिलो हतियार प्रहार गरी गम्भिर घाइते बनाएपछि प्रविनले फेरी आफैलाई टाउकोमा गम्भिर घाइते गरी सोही अस्पतालमा उपचार गरी रहेको प्रहरीले जनाएको छ । प्रहरीको प्रारम्भिक अनुसन्धान कार्य सम्पन्न गर्दै घटनास्थलबाट तरकारी काट्ने चक्कु १ स्थान र रोटी पकाउने तावा १ थान समेत फेला पारि थप अनुसन्धान कार्य भइरहेको जनाएको छ ।
