चुनदेवी आगलागीबाट २ करोड २९ लाख नष्ट
भक्तपुर, जेष्ठ १ गते
चुनदेवी आगलागीबाट २ करोड २९ लाख जलेर नष्ट भएको प्रहरीले पुष्टि गरेको छ । आईतबार साँझ भक्तपुर सूर्यविनायकस्थित चुनदेवीको न्यु दाजुभाई फर्निचर टे«डर्समा भएको आगलागीमा तयारी फर्निचर, कच्चा पदार्थ, मेशिन, केमिकल, कार, घर, नगद तथा जिन्सी सहितको जलेर नष्ट भएको महानगरीय प्रहरी परिसर भक्तपुरले जनाएको हो । सो आगलागीबाट साढे ३ तले घर र नजिकै रहेको पुष्प सिल्पकारको कृपालु फर्निचर कारखाना समेतमा आगलागी भएकोमा नेपाल प्रहरी, नेपाली सेना, सशस्त्र प्रहरी बल, दमकल र स्थानीयहरुको सहयोगमा आगलागी पूर्णरुपमा नियन्त्रणमा लिएको थियो ।
बिजेन चौगुठीले सञ्चालन गरेको सो ट्रेडर्समा भएको आगलागी बारे थप अनुसन्धान भइरहेको सूचना अधिकारी बसन्त पाठकले जनाएको छ
