भक्तपुरमा अझै ९४४ सक्रिय संक्रमित
भक्तपुर, माघ २६ गते
भक्तपुर जिल्लामा थप ३४ जनामा कोरोना संक्रमिण पुष्टि भएको छ । पछिल्लो २४ घण्टामा पुष्टि भएका संक्रमितसँगै हालसम्म संक्रमितको संख्या जिल्लामा ३८ हजार ५ सय ७५ जना पुगेको छ । यसरी संक्रमित हुनेहरुमा १९हजार ९ सय ४६ पुरुष र १७ हजार ३ सय १३ महिला छन् भने संक्रमितहरु मध्ये भक्तपुर नगरका ६८१६, चाँगुनगरका ५०७१ जना, मध्यपुर थिमी नगरका १२०१४, सूर्यविनायक नगरका १२०७६ र अन्य २५९८ जना गरी ३८५७५ पुगेका हुन । संक्रमितहरु मध्ये ३९२५९ जना निको भएका छन् भने २३८ पुरुष र १३४ महिला गरी ३७२ जना कोरोना संक्रमणबाट मृत्यु भएका छन् । हाल सक्रिय संक्रमितको संख्या ५०६ पुरुष र ४३८ महिला गरी ९ सय ४४ जना छन् ।
जिल्लामा ७१२२३ जनाको पिसिआर परीक्षण गर्दा १९०७० र एन्टीजेन ८८५१२ परीक्षणमा २१ ह्जार ५०५ जना संक्रमित भएको स्वास्थ्य कार्यालय भक्तपुरका कार्यालय प्रमुख कृष्णवहादुर मिजारले जनाएको छ । कार्यालय प्रमुख मिजारका अनुसार जिल्लमा ९७.६ प्रतिशतले कोरोना विरुद्धको खोप लिएको जनाएको छ । खोप अभियानमा ३५७४९ मोर्डना लगाएका छन् भने १८ वर्ष माथिका २५०२६१, पहिलो डोज २२१९७७, पूर्ण खोप २४४२६२ जनाले लगाइ सकेका छन् ।
