नेपालमा थप ६ जनाको कोरोनाका कारण मृत्यु, ३ सय १५ मा सङ्क्रमण पुष्टि ।
नेपालमा थप ६ जनाको कोरोनाका कारण मृत्यु भएको छ । स्वास्थ्य तथा जनसङ्ख्या मन्त्रालयका अनुसार गत २४ घन्टामा देशभर रहेका सङ्क्रमितमध्ये थप ६ जनाको कोरोनाका कारण मृत्यु भएको हो । मन्त्रालयले सार्वजनिक गरेको कोरोनासम्बन्धी अद्यावधिक तथ्याङ्क अनुसार हालसम्म नेपालमा कोरोनाका कारण ११ हजार ५ सय ३५ जनाको कोरोनाका कारण मृत्यु भएको छ ।
गत २४ घन्टामा देशभर थप ३ सय १५ जनामा कोरोना भाइरसको सङ्क्रमण पुष्टि भएको छ । मन्त्रालयका अनुसार ९ हजार ५ सय ११ आरटी पिसिआर विधिबाट गरिएको परीक्षणमा २ सय ९८ र १ हजार ८ सय ९२ एन्टिजेन परीक्षण गर्दा १७ जनामा कोरोना सङ्क्रमण पुष्टि भएको हो । बितेको २४ घन्टामा देशभर रहेका सक्रिय सङ्क्रमितमध्ये २ सय १ जना स्वस्थ भएका छन् । योसँगै नेपालमा कोरोना सङ्क्रमणपछि निको हुनेको सङ्ख्या ८ लाख ३ हजार ३ सय ६९ पुगेको छ । हाल देशभर ७ हजार ४५ सक्रिय सङ्क्रमित रहेका छन् ।
