थप २ सय ७० जनामा कोरोना भाइरस सङ्क्रमण ।
गत २४ घण्टामा देशभर २ सय ७० जनामा कोरोनाभाइरसको सङ्क्रमण पुष्टि भएको छ । १० हजार ४ सय ४६ जनाको परीक्षण गर्दा पीसीआर विधिबाट २ सय ४२ तथा एन्टिजेन विधिबाट २८ जनाको सङ्क्रमण पुष्टि भएको हो ।स्वास्थ्य तथा जनसङ्ख्या मन्त्रालयका अनुसार पछिल्लो २४ घण्टामा थप ३ सय २ जना सङ्क्रमण मुक्त भएका छन् । हालसम्म कूल सङ्क्रमति मध्ये ८ लाख १ हजार ७ सय २२ जना निको भइसकेका छन् । नेपालमा निको हुने दर ९७ दशमलब ७ प्रतिशत रहेको छ । हाल देशभर ७ हजार २ सय ८७ जना सक्रिय सङ्क्रमित रहेका छन् । कोरोना सङ्क्रमणका कारण थप २ जनाको मृत्यु भएको छ ।
