भक्तपुर प्रहरीको फागुन महिनाको कार्य सम्पदान विवरण सार्वजनिक
भक्तपुर, चैत्र १ गते
जिल्ला प्रहरी कार्यालय भक्तपुरले फागुन महिनाभर गरेको कार्य सम्पादन बारे विस्तृत जानकारी सार्वजनिक गरेको छ । भक्तपुर प्रहरीका सूचना अधिकारी प्रकाश जवेगुले सो महिनाभरी गरेको कार्य विवरण प्रस्तुत गरेका हुन । अपराध अनुसन्धान र नियन्त्रण तथा शान्ति सुरक्षाकालागि भएका घटना, दुर्घटनाहरुको विवरणमा माघ महिनाको १५२ मुद्दा दर्ता भएका मध्ये ८० वटा फर्छौट गरेको भन्दै फागुन महिनामा १४५ मुद्दा दर्ता भएकोमा ६३ मुद्दा फर्छौट भएको जनाएको छ । फागुन महिनामा ९ महिला र १४९ पुरुष अभियुक्त रहेका मध्ये १ महिना र ४७ पुरुष पक्राउ पर्दा ८ महिला र १०२ पुरुष फरार रहेको जनाएको छ ।
फागुन महिनामा जघन्य तथा गम्भीर अपराधका ८ वटा घटना घटेको उल्लेख गर्दै सूचना अधिकारी जवेगुले जिल्लामा अपहरण तथा शारीर बन्धकका १, लागू औषधका ३, हातहतियार खरखजाना १, जबरजबस्ती करणीका ३ अपराधका घटना भएको जनाएको छ । बैंकिङ कसुरका ४४। ठगीका ३ चोरीका १२ गरी आर्थिक अपराधका ५९ घटना भएको उल्लेख गर्दै सार्वजनिक चासो रहेका पेण्डिङ मुद्दाको सफल अनुसन्धान भएको जनाएको छ । जिल्ला प्रहरी परिसरमा पेण्डिङ मुद्दाको संखया ७९४ वटा छन् ।
फैसला कार्यान्वयनमा १७ जना पक्राउ गरी २ वर्ष ५ महिना १९ दिन कैद भुक्तान र २१ लख १२ हजार ५०० सय जरिवाना बिगो रकम असुल भएको जनाएको छ ।
