भक्तपुर कांग्रेसको पत्रकार सम्मेलन
भक्तपुर, पुस २१ गते
आसन्न फागुन २१ गतेको निर्वाचनका लागि नेपाली कांंग्रेस भक्तपुरले तयारी थालेको छ । पार्टीको केन्द्रीय कार्य सम्पादन समितिले तोकिएको नियमित अधिवेशनको मितिमै गर्ने कुरामा सहमति जनाउँदै जिल्ला सभापति दुर्लभ थापाले आज भक्तपुरमा पत्रकार सम्मेलन गर्दै आसन्न निर्वाचनमा कांग्रेस एक्लै वा पूराना पार्टीसँग गठबन्दन गरेर भएपनि चुनाव लडन तयार भएको जनाएका छन् । पार्टीको अधिवेशन वडा तहदेखि केन्द्रीय नेतृत्वसम्म नियमित अधिवेशनबाट नेतृत्व चयन गर्नुपर्नेमा जोड दिदै भाद्र २३ र २४ गतेको तोडफोड स्विकार्य नभएको बताउँदै उहाँले राजनैतिक दलहरुले समानुपातिकतर्फ आफ्ना बन्द सूचीहरु निर्वाचन आयोगमा बुझाई सकेकाले निर्वाचनमा होमिन आवश्यक बताए । पत्रकार सम्मेलनमा महासमिति सदस्य गणेशमान चक्रधर, कृष्णलाल भडेल, हरीकृष्ण श्रेष्ठ, सन्तोष भट्टराईसहित महाधिवेशन प्रतिनिधि तथा सदस्यहरुको सहभागिता थियो । कार्यक्रममा क्षेत्रिय सभापति जीवन खत्री सहित ३८ पदाधिकारीहरुको हस्ताक्षर सहितको विज्ञप्ति जारी गरी भक्तपुर कांग्रेस एकढिक्का रहेको सन्देश दिन पत्रकार सम्मेलन आयोजना गरेको उहाँले बताए ।
