बागमती प्रदेशका पूर्वमन्त्री जोन्छेको निधन, आजै अन्तिम संस्कार गरिने
भक्तपुर, कार्तिक १८ गते
बागमती प्रदेशसभाकी पूर्व सांसद एवं पूर्व राज्यमन्त्री रजनी जोन्छेको निधन भएको छ । क्यान्सर रोगको उपचारकाक्रममा आज विहान जोन्छेको निधन भएको थियो । नेपाली कांग्रेस भक्तपुरका नेता स्व.राधेशयाम जोछेकी पत्नी जोन्छेको मध्यपुर अस्पताललमा उपचारकोक्रममा आज निधन भएको थियो । जोन्छेको निधन पछि आज विहान १० बजे देखि श्रद्धाञ्जली अर्पण गर्न सहिद राधेश्याम जोन्छे स्मृति प्रतिष्ठान, कटुन्जेमा राखिएको थियो । त्यसपछि अन्तिम संस्कारकालागि हनुमानघटमा लगिएको छ । जोन्छेँ स्मृति प्रतिष्ठान, कटुञ्जेका अध्यक्ष समेत रहेकी पूर्व मन्त्री स्व. जोन्छेप्रति श्रद्धाञ्जली अर्पण गर्न कांग्रेका नेता विमलेन्द्र निधी, प्रकाशशरण महत, कांग्रेस भक्तपुर सभापति दुर्लभ थापाले पार्टीको झण्डा ओढाएका थिए ।
